
"მიღწეულია რიგი შეთანხმებები" - ზურაბაშვილი-გალუზინის შეხვედრა დასრულდა
რუსეთის საგარეო საქმეთა მინისტრის მოადგილე მიხეილ გალუზინსა და რუსეთთან ურთიერთობის საკითხებში საქართველოს პრემიერ-მინისტრის სპეციალურ წარმომადგენლის გიორგი ზურაბაშვილის შეხვედრა დასრულდა.
ხანგრძლივი პაუზის შემდეგ განახლებული პირდაპირი რუსულ-ქართული დიალოგის ფარგლებში, დღეს, მინსკში გამართული შეხვედრის შესახებ ინფორმაციას რუსეთის საგარეო საქმეთა სამინისტრო ავრცელებს.
„ორმხრივი ურთიერთქმედების აქტუალურ საკითხებზე, სავაჭრო-ეკონომიკური და კულტურულ-ჰუმანიტარულ თანამშრომლობის საკითხზებზე საფუძვლიანი აზრების გაცვლა მოხდა. მიღწეულია რიგი პრაქტიკული შეთანხმებები“, - ნათქვამია რუსეთის საგარეო საქმეთა სამინისტროს ვებგვერდზე გამოქვეყნებულ განცხადებაში.
რუსეთის საგარეო უწყებაში აცხადებენ, რომ შეხვედრის მსვლელობისას ასევე რეგიონული უსაფრთხოების საკითხები განიხილეს.
„ორივე დელეგაციის ხელმძღვანელმა ბელორუსული მხარის მიმართ რუსულ-ქართული შეხვედრის ორგანიზებაში გაწეული ხელშეწყობისთვის მადლიერება გამოხატა. მხარეები შეთანხმდნენ რუსეთსა და საქართველოს შორის ურთიერთობების შემდგომი განვითარების ინტერესებიდან გამომდინარე კონტაქტების გაგრძელებაზე შეთანხმდნენ“, - წერია სამინისტროს განცხადებაში.
ქართულ მხარეს შეხვედრის შესახებ განცხადება ჯერ არ გაუკეთებია.
BM.GE
წყარო: bm.ge