აგვისტოში თბილისში ბინების გაყიდვები 18.9%-ით გაიზარდა - Colliers

2026 წლის აგვისტოში თბილისში საცხოვრებელი ბინების ტრანზაქციების რაოდენობამ 3 388 ერთეული შეადგინა, რაც გასული წლის აგვისტოს მაჩვენებელზე 18.9%-ით მეტია. ამასთანავე, ბაზრის ზომა 35.2%-ით გაიზარდა და 297 მილიონ აშშ დოლარს მიაღწია.საერთაშორისო საკონსულტაციო კომპანია Colliers-ის მიმოხილვის თანახმად, დედაქალაქში ზრდის ძირითადი დრაივერი ახალი პროექტები გახდა.

აგვისტოში თბილისის ახალ პროექტებში ტრანზაქციების რაოდენობა გასული წლის ანალოგიურ პერიოდთან შედარებით 23.7%-ით გაიზარდა. ზრდის ტენდენცია დაფიქსირდა როგორც პირველად (22.9%), ისე მეორეულ ბაზარზე (24.5%).Colliers-ის ანალიტიკოსების შეფასებით, ახალ პროექტებში ტრანზაქციების მატება გაზრდილ მიწოდებას ასახავს. ამასთან, ზრდის ძირითადი ნაწილი ორ უბანზე სამგორსა და დიდ დიღომზე მოდის.რაც შეეხება ძველ პროექტებს, აქ ტრანზაქციების რაოდენობამ შედარებით მცირედით, 3.8%-ით მოიმატა.

აგვისტოში თბილისში ახალაშენებული ბინების საშუალო შეწონილი გასაყიდი ფასი 2025 წლის აგვისტოსთან შედარებით შემდეგნაირად გაიზარდა:

• ქალაქის ცენტრში - 16.7%-ით; • ფართო ცენტრში - 16%-ით; • გარეუბნებში - 10.4%-ით.

მთლიანობაში, ქალაქის მასშტაბით პირველადი ტრანზაქციების საშუალო შეწონილმა ფასმა 11.9%-ით მოიმატა, ხოლო მეორეულ ბაზარზე 11%-იანი ზრდა დაფიქსირდა.ფასების მატება დაფიქსირდა ძველ ბინებზეც. გასული წლის აგვისტოსთან შედარებით, ძველი ბინების საშუალო შეწონილი გასაყიდი ფასი ფართო ცენტრში 19.1%-ით გაიზარდა, გარეუბანში - 12.6%-ით, ხოლო ქალაქის ცენტრში - 3.4%-ით. ჯამურად, ქალაქის მასშტაბით ძველ პროექტებში ფასები 10.5%-ით არის გაზრდილი.

Colliers-ის მონაცემებით, თბილისში, როგორც ძველ, ისე ახალ პროექტებში ტრანზაქციების უმეტესობა საქართველოს მოქალაქეებზე მოდის.თუმცა, გასული წლის აგვისტოსთან შედარებით უცხოეთის მოქალაქეების წილი გაიზარდა და მთლიანი ტრანზაქციების 14% შეადგინა (შედარებისთვის, 2026 წლის ივლისში ეს მაჩვენებელი 12% იყო).