AI-ის გამო, General Motors-მა IT სპეციალისტები დაითხოვა

ამერიკულმა ავტოგიგანტმა, General Motors-მა ტექნიკური და IT დეპარტამენტის თანამშრომლების 10%, დაახლოებით 600 შტატგარეშე სპეციალისტი დაითხოვა. აღნიშნული გადაწყვეტილება სტრატეგიული როტაციის ნაწილია, რაც გულისხმობს კადრების ჩანაცვლებას ისეთი პროფესიონალებით, რომლებსაც ხელოვნური ინტელექტის მიმართულებით სიღრმისეული გამოცდილება აქვთ.

კომპანიაში აცხადებენ, რომ ეს ნაბიჯი საინფორმაციო ტექნოლოგიების ორგანიზაციის ტრანსფორმაციასა და სამომავლო პოზიციონირებას მიზნად ისახავს.

როგორც ირკვევა, მიმდინარე შემცირებები შტატების საბოლოო გაუქმებას არ ნიშნავს. არსებული ინფორმაციით, კომპანია IT დეპარტამენტისთვის ახალი კადრების ძიებას კვლავ აგრძელებს, თუმცა აქცენტს განსხვავებულ უნარებზე აკეთებს. ყველაზე მოთხოვნად მიმართულებებს შორის AI-ზე დაფუძნებული დეველოპმენტი, მონაცემთა ინჟინერია, ანალიტიკა, Cloud-ინჟინერია და მოდელების განვითარება სახელდება.

GM-ის ხელმძღვანელობის განცხადებით, თანამშრომელი, რომელიც AI-ის სათანადოდ არ ან ვერ იყენებს, კომპანიაში ვეღარ დარჩება.