ახალი კათალიკოს-პატრიარქის ინტრონიზაცია ხვალ, 12 მაისს გაიმართება
BM.GE|bm.ge
სრულიად საქართველოს კათოლიკოს-პატრიარქად არჩეული ეპისკოპოსი შიო მუჯირის ინტრონიზაცია ხვალ, 12 მაისს, სვეტიცხოვლის ტაძარში გაიმართება.
ინტრონიზაციის თარიღი სრულიად საქართველოს ახალმა კათოლიკოს-პატრიარქმა, შიო მესამემ განსაზღვრა და გამოაცხადა.
არჩევნების შედეგად, ახალი პატრიარქი წმინდა ანდრია პირველწოდებულის სამოციქულო კათედრაზე შიო III-ის სახელით ავა. მისი სრული ტიტულატურა შემდეგნაირად განისაზღვრა: მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი და სრულიად საქართველოს კათოლიკოს-პატრიარქი.
შეგახსენებთ, ქართული სამოციქულო ეკლესია 12 მაისს წმინდა ანდრია პირველწოდებულის საქართველოში შემოსვლას დღესასწაულობს.
გაზიარება:
BM
BM.GE
წყარო: bm.ge