აქციები NVIDIA-ში, State Street SPDR S&P 500 ETF Trust-ში... - რა ქონებას ფლობს მიხეილ ხიდურელი?

ახლად შექმნილი სააგენტოს ხელმძღვანელმა მიხეილ ხიდურელმა 2025 წელს NVIDIA-ს, Arista Networks Inc-ის, US Dividend Equity ETF Schwab-ის, Realty Income Corporation-ის, Palantir Technologies Inc-ის აქციები შეიძინა. ამის შესახებ მისი 2025 წლის ქონებრივი დეკლარაციიდან ირკვევა.

უნდა აღინიშნოს, რომ გასულ წელს მიხეილ ხიდურელი ჯერ კიდევ ეკონომიკის სამინისტროს სსიპ „აწარამოე საქართველოშის“ დირექტორი იყო და წლის განმავლობაში მან ამ თანამდებობაზე 132 949 ლარის ხელფასი, რაც 2024 წელს აღებულ ხელფასს - 120933 ლარს აღემატება.

დღეისთვის, მიხეილ ხიდურელი ახლად შექმნილი სააგენტო „ინვესტიციების სააგენტოს“ თავმჯდომარეა. თანამდებობის პირი დეკლარაციაში თავის სახელზე რაიმე სახის უძრავ და მოძრავ ქონებას არ უთითებს. დოკუმენტის შევსების დროისთვის მას თიბისი ბანკის სახელფასო ანგარიშზე 49 422 ლარი, ხოლო მიმდინარე ანგარიშზე 11 986 ლარი ჰქონდა. ამასთან, მან გასულ წელს აგვისტოდან დეკემბრის ჩათვლით იორდანიაში PMCG-ის კონტრაქტით ტრენერი იყო, რისთვისაც 7 580 დოლარი აიღო.

რაც შეეხება სხვადასხვა კომპანიებში შეძენილ აქციებს და მათ ღირებულებას, მიხეილ ხიდურელმა 2025 წელს 6 სხვადასხვა კომპანიასა და ფონდში ჯამში 2,690 დოლარის ღირებულების აქცია შეიძინა.

2025 წელს შეძენილი აქციებისა და ფონდების სია:

• State Street SPDR S&P 500 ETF Trust - 1 აქცია $1,100; • NVIDIA Corporation - 3 აქცია $690; • Arista Networks Inc - 2 აქცია $300; • US Dividend Equity ETF Schwab – 7 აქცია $200; • Realty Income Corporation – 3 აქცია, $200; • Palantir Technologies Inc – 1 აქცია, $200;