არაბთა გაერთიანებულმა საამიროები ირანს მილიარდობით დოლარს გადასცემს - რატომ?

გავლენიანი გამოცემა Reuters-ი იუწყება, რომ არაბთა გაერთიანებული საამიროები ირანს მილიარდობით დოლარს გადასცემს. არსებული ინფორმაციით, პირველი ტრანში უკვე განხორციელდა და მის ფარგლებში საამიროებმა მის ტერიტორიებზე თავდამსხმელ, მტრულად განწყობილ სახელმწიფოს $3 მილიარდი გადასცა. სხვადასხვა წყაროების მიხედვით, ფინანსური პაკეტის საერთო მოცულობა $10-დან $20 მილიარდამდე იქნება.

რაც შეეხება ამ გადაწყვეტილების მიზეზს, როგორც ირკვევა, ოფიციალურმა აბუ-დაბიმ ეს ნაბიჯი რეგიონში დაპირისპირების მკვეთრი ესკალაციის ფონზე უსაფრთხოების გარანტიების მიღების მიზნით გადადგა. კერძოდ, მრავალმილიარდიანი გარიგების ფარგლებში, ირანის მხრიდან საამიროების ტერიტორიაზე თავდასხმები შეწყდება. საამიროების ოფიციალური პირის განცხადებით, ისინი იღებენ და მიიღებენ ისეთ გადაწყვეტილებებს, რომლებიც მათი ქვეყნის გრძელვადიან მშვიდობას უზრუნველყოფს და სახელმწიფოს ომის საფრთხეებისაგან დაიცავს.

აღსანიშნავია, რომ ირანი ანალოგიური ფინანსური შეთანხმების მიღწევას სპარსეთის ყურის კიდევ ორ სახელმწიფოსთან აქტიურად ცდილობს, თუმცა რამდენად წარმატებით მიმდინარეობს ეს მცდელობები ან რომელ სახელმწიფოებზეა საუბარია, ჯერ არ კონკრეტდება.