არჩევნების გამო, ილონ მასკის Tesla-სა და SpaceX-ის შეფასება $420 მილიარდით შემცირდა

აშშ-ის შუალედური არჩევნების შემდეგ, Tesla-სა და SpaceX-ის ჯამური კაპიტალიზაცია $420 მილიარდზე მეტით შემცირდა.

ხუთშაბათის სავაჭრო სესიაზე SpaceX-ის აქციების ფასი 9%-ით, Tesla-სი კი 11%-ით დაეცა. აღსანიშნავია, რომ ინვესტორების ნეგატიური განწყობა ილონ მასკის წინააღმდეგ შესაძლო გამოძიებასა და მისი კომპანიებისთვის რეგულაციების გამკაცრების მოლოდინს უკავშირდება.

მოგეხსენებათ, შუალედურ არჩევნებში დემოკრატიულმა პარტიამ კონგრესის ორივე პალატაზე მოიპოვა კონტროლი. ამასთან, ტეხასის შტატში, სადაც Tesla-სა და SpaceX-ის სათავო ოფისებია განთავსებული, გუბერნატორისა და გენერალური პროკურორის პოზიციებზეც დემოკრატიული პარტიის კანდიდატებმა გაიმარჯვეს, რომლებიც ილონ მასკის კომპანიების წინააღმდეგ გარკვეული შეზღუდვების დაწესებას აანონსებენ.

ამასთან, $500 მილიონით ილონ მასკი წლევანდელ არჩევნებში რესპუბლიკური პარტიის კანდიდატების ყველაზე მსხვილი დონორი იყო, თუმცა მისი ფინანსური მხარდაჭერის მიუხედავად, რესპუბლიკელმა პოლიტიკოსებმა არჩევნებში ისტორიული მასშტაბის დამარცხება განიცადეს.

ბოლო მონაცემებით, ილონ მასკის ქონება ერთ კვირაში დაახლოებით $90 მილიარდით შემცირდა და $785 მილიარდი შეადგინა.