აშშ-მა კუბაში შესაძლო სამხედრო ინტერვენციისთვის სამხედრო ძალები განალაგა

აშშ-ის თავდაცვის დეპარტამენტმა კუბაზე შესაძლო სამხედრო თავდასხმის განსახორციელებლად საჭირო ჯარები და შეიარაღება რეგიონში განათავსა. არსებული ინფორმაციით, სამხედრო ოპერაციის დასაწყებად პენტაგონი მხოლოდ დონალდ ტრამპის საბოლოო გადაწყვეტილებას ელოდება.

როგორც ირკვევა, კუბის კომუნისტური მთავრობის წინააღმდეგ ეკონომიკური და პოლიტიკური ზეწოლის უშედეგოდ დასრულების შემდეგ, ამერიკის შეერთებული შტატების პრეზიდენტმა კუნძულზე სამხედრო ინტერვენციის იდეა თავად წამოაყენა. პენტაგონის მიერ კარიბის ზღვის აუზში ბოლო დღეებში მობილიზებული სამხედრო-საზღვაო ძალები ქვეყანას დაუყოვნებლივი მოქმედების შესაძლებლობას აძლევს.

როგორც ცნობილია, მიმდინარე წლის მაისში კარიბის ზღვაში ავიამზიდ USS Nimitz-ის დამრტყმელი ჯგუფი, მართვადი რაკეტებით აღჭურვილი საესკადრო ნაღმოსნები და კრეისერები შევიდნენ. ამასთან, კუბის საჰაერო სივრცესთან ამერიკულმა უპილოტო საფრენმა აპარატებმა და სადაზვერვო თვითმფრინავებმა მოძრაობა გაააქტიურეს.

როგორც ირკვევა, სტრატეგიული გეგმა ჰავანის ხელმძღვანელობის დაკავებას ან ზუსტ საჰაერო დარტყმებს ითვალისწინებს. ანალიტიკოსების შეფასებით, სამხედრო კამპანიის პირველი სამიზნე რაულ კასტრო იქნება. თუმცა უცნობია, იგეგმება მისი ლიკვიდაცია თუ ცოცხლად აყვანა.

შეგახსენებთ, რომ მიმდინარე წლის იანვარში აშშ-ის სამხედრო-საზღვაო ძალებმა კიდევ ერთი ქვეყნის, ვენესუელის პრეზიდენტი ნიკოლას მადურო მსგავსი სპეცოპერაციით მაშინ განხორციელებულ ოპერაციაში ავიამზიდი USS Gerald R. Ford-ი, ათობით შვეულმფრენი და სპეციალური სამხედრო ძალები მონაწილეობდნენ.