აშშ-მა "ტრამპის მარშრუტის" ფონდის დაფინანსება გააორმაგა

"ტრამპის მარშრუტის" ფონდის [TRIPP+ Enterprise Fund] დაფინანსება 201 მილიონი დოლარიდან 402 მილიონ დოლარამდე გაიზარდა. ამის შესახებ ინფორმაციას აზერბაიჯანული მედია USAspending.gov-ზე დაყრდნობით.

14 ივლისს ცნობილი გახდა, რომ სახელმწიფო დეპარტამენტმა „ტრამპის მარშრუტთან“ დაკავშირებული ახლად შექმნილი ფონდის სახელწოდებით TRIPP+-ის თავმჯდომარედ რუსეთში დაბადებული ამერიკელი ბიზნესმენი კონსტანტინ სოკოლოვი დანიშნა.

2025 წლის აგვისტოში სომხეთისა და აზერბაიჯანის პრეზიდენტების ვაშინგტონში გამართულ შეხვედრაზე გაცხადდა ახალი სატრანსპორტო დერეფნის პროექტზე, რომელსაც „ტრამპის მარშრუტი საერთაშორისო მშვიდობისა და კეთილდღეობისთვის“ (TRIPP) ეწოდება. მოგვიანებით ცნობილი გახდა, რომ დონალდ ტრამპის ადმინისტრაცია, რომელმაც საერთაშორისო დახმარება ფაქტობრივად გააჩერა, პროექტს 145 მლნ დოლარით დააფინანსებს. ახალი მარშრუტი ერთმანეთს დააკავშირებს აზერბაიჯანს, სომხეთსა და თურქეთს, ანუ ერთგვარი პარალელური გზა იქნება საქართველოზე გამავალი მარშრუტისა. კერძოდ, მარშრუტი სომხეთის ირანთან საზღვარზე გაივლის და აზერბაიჯანს ნახიჩევანთან და თურქეთთან დააკავშირებს. ფონდის გარდა TRIPP Development Company-ც შეიქმნა, რომლის 74%-იც სომხეთმა აშშ-ს გადასცა, ხოლო 26%-ს სომხეთის მთავრობა ფლობს.