აშშ-სა და ირანს შორის დაძაბულობის განმუხტვამ ნავთობის ფასი 8-9%-ით შეამცირა

27 ივლისს მსოფლიო ენერგეტიკულ ბაზარზე ნავთობის ფასები 8%-იდან 9%-მდე შემცირდა, რაც შეერთებულ შტატებსა და ირანს შორის სამხედრო დარტყმების დროებითმა შეჩერებამ განაპირობა. როგორც ირკვევა, Brent-ის მარკის ნავთობის ღირებულება ბარელზე $89-ს ჩამოსცდა, ხოლო ამერიკული WTI-ის ფასი $83-$84-ის ფარგლებში მერყეობს.

თითქმის ორკვირიანი სამხედრო ესკალაციის შემდეგ, გასულ უქმეებზე მხარეებმა ახალი შეტევებისგან თავი შეიკავეს. ოფიციალურმა განცხადებებმა დიპლომატიური მოლაპარაკებების შესაძლებლობა გააჩინა, რამაც დაძაბულობის შემდგომი ზრდის შიშები შეამცირა. ამასთან, ტრეიდერებმა და ინსტიტუციურმა ინვესტორებმა გრძელი პოზიციების მასობრივი ლიკვიდაცია განახორციელეს. ეს ნაბიჯი კი ჰორმუზის სრუტეში საზღვაო მიმოსვლისა და მიწოდების შეწყვეტის საფრთხის შემცირებამ განაპირობა.

ჯერჯერობით უცვლელია რუსული ურალსის ფასი და ის $83.56-ზე ფიქსირდება. უძრაობის მიზეზი კი ის არის, რომ მის ფასზე ვაჭრობა 24 ივლისის შემდეგ არ განახლებულა.