აუდიტის სამსახურმა პროკურატურაში ₾80 მლნ-ის დარღვევებზე 17 ანგარიში/ინფორმაცია გაგზავნა
2025 წელს სახელმწიფო აუდიტის სამსახურმა პროკურატურაში 17 აუდიტის ანგარიში/კონკრეტული ინფორმაცია გაგზავნა, მათ შორის, 6 შემთხვევა ეხებოდა მუნიციპალიტეტებს, ხოლო 4 − სახელმწიფო საწარმოებს. ამის შესახებ სამსახურის წლიურ ანგარიშშია აღნიშნული.
ანგარიშის თანახმად, აქედან 4 საკითხი დაერთო უკვე მიმდინარე სისხლის სამართლის საქმეს, ხოლო 13 შემთხვევაში დაიწყო გამოძიება ახალ სისხლის სამართლის საქმეზე. პროკურატურაში გადაგზავნილი მასალები თანხობრივ გამოხატულებაში 80 მლნ ლარს შეადგენს.
სამართალდამცავ ორგანოებში 2025 წელს გადაგზავნილი ანგარიშები/მასალები შემდეგია:
• საქართველოს ეკონომიკისა და მდგრადი განვითარების სამინისტროს 2023 წლის 31 დეკემბრით დასრულებული საანგარიშგებო პერიოდისთვის კონსოლიდირებული ანგარიშგების ფინანსური აუდიტის ანგარიშიდან ამონაწერი და აუდიტის მასალები • პროგრამის „საჯარო სკოლების მშენებლობა-რეაბილიტაცია“ 2019-2022 წლების შესაბამისობის აუდიტის ანგარიში • აფხაზეთის ავტონომიური რესპუბლიკის უმაღლეს საბჭოში, აფხაზეთის ავტონომიური რესპუბლიკის მთავრობის აპარატსა და აფხაზეთის ავტონომიური რესპუბლიკის სამინისტროებში შრომითი ხელშეკრულებით დასაქმებულ პირებსა და მივლინებებზე გაწეული ხარჯების შესაბამისობის აუდიტის მასალები • სსიპ – მუნიციპალური განვითარების ფონდში მიმდინარე შესაბამისობის აუდიტის მასალები • სამშენებლო სამუშაოების შესყიდვების 2020-2023 წლების უწყებათაშორისი შესაბამისობის აუდიტის მასალები • ხობის მუნიციპალიტეტის 2023-2024 წლების საქმიანობის შესაბამისობის აუდიტის მასალები • ქუთაისის მუნიციპალიტეტის 2023-2024 წლების საქმიანობის შესაბამისობის აუდიტის მასალები • შპს „აჭარის ნარჩენების მართვის კომპანიის“ 2022-2024 წლების საქმიანობის შესაბამისობის აუდიტის მასალები • გორის მუნიციპალიტეტის 2023-2024 წლების საქმიანობის შესაბამისობის აუდიტის მასალები • ბოლნისის მუნიციპალიტეტის 2023-2024 წლების საქმიანობის შესაბამისობის აუდიტის მასალები • ხელვაჩაურის მუნიციპალიტეტის 2023-2024 წლების საქმიანობის შესაბამისობის აუდიტის მასალები • ქუთაისის მუნიციპალიტეტის 2023-2024 წლების საქმიანობის შესაბამისობის აუდიტის მასალები • შპს „სპორტმშენსერვისის“ მიერ განხორციელებული სახელმწიფო შესყიდვების შესაბამისობის აუდიტის მასალები • შპს „აქტივების მართვისა და განვითარების კომპანიის“ შესაბამისობის აუდიტის მასალები • შპს „საქართველოს გაერთიანებული წყალმომარაგების კომპანიის“ მიმდინარე შესაბამისობის აუდიტის მასალები • საქართველოს ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების - საქართველოს საავტომობილო გზების დეპარტამენტის მიმდინარე შესაბამისობის აუდიტის მასალები • საქართველოს სამოქალაქო ავიაციის სექტორში მოქმედი სუბიექტების შესაბამისობის აუდიტის მასალები