“აუცილებელია, 21-ე საუკუნეში ერთ-ერთ პირველ კურორტს გაზმომარაგება ჰქონდეს” - სასტუმრო მესტიიდან
მესტიას ბუნებრივი გაზი არ მიეწოდება. მაღალმთიანი რელიეფისა და რთული გეოგრაფიული პირობების გამო, მესტიისა და ზემო სვანეთის გაზიფიცირება ამ დროისთვის ბუნებრივ ქსელთან მიერთებით არ ხორციელდება. შესაბამისად, კერძო სექტორი და მოსახლეობა საჭიროებებს მხოლოდ ელექტროენერგიით იკმაყოფილებს ან საყოფაცხოვრებო საჭიროებებისთვის თხევად გაზს მოიხმარს.
მესტიაში არსებული სასტუმრო ბიზნესის ნაწილი მუნიციპალიტეტის მთავარ გამოწვევებს შორის სწორედ გაზმომარაგების პრობლემას ასახელებს.
“რეგიონში, რომელსაც პრეტენზია აქვს, რომ ქვეყნის ტურიზმის ნომერ პირველი ერთ-ერთი წერტილი იყოს, ძალიან რთულია გაზმომარაგების გარეშე ყოფნა და მუშაობა. გაზმომარაგება საერთოდ არ არის. თუ გვინდა, რომ ვიზრუნოთ ეკოლოგიაზე, თუ გვინდა რომ განვვითარდეთ, აუცილებელია რომ 21-ე საუკუნეში ერთ-ერთ ნომერ პირველ კურორტს ჰქონდეს გაზმომარაგება”,-აცხადებს “საქმის კურსთან” ინტერვიუში სასტუმრო “ლაჰილის” მფლობელი ლევან დადვანი.
BM.GE
წყარო: bm.ge