ავტოექსპორტი მცირდება, გაზრდილია ნავთობპროდუქტების ექსპორტი - რას ყიდის საქართველო უცხოეთში TOP-10 საქონელი

საქსტატმა 2026 წლის პირველი ოთხი თვის საგარეო ვაჭრობის ამსახველი ანგარიში გამოაქვეყნა, რომლის მიხედვითაც ჯამურად ექსპორტი 21.1%-ით, 2.44 მილიარდ დოლარამდე გაიზარდა.

ანგარიშის თანახმად, მკვეთრად, 217 მილიონი დოლარით, ანუ 29%-ით, 537 მილიონ დოლარამდე შემცირდა საქართველოდან მსუბუქი ავტომობილების რეექსპორტი, თუმცა 922%-ით არის გაზრდილი ნავთობპროდუქტების ექსპორტი, რაც დაკავშირებულია ქვეყანაში პირველი სრულმასშტაბიანი ნავთობგადამმუშავებელი ქარხნის - ბლექ სი პეტროლიუმის მიერ ოპერირების დაწყებასთან. მთლიანობაში, იანვარ-აპრილში საქართველოდან 324 მილიონი დოლარის ნავთობპროდუქტების ექსპორტი განხორციელდა. მესამე ადგილს ექსპორტში ძვირფასი ლითონების მადნები და კონცენტრატები იკავებს 225 მილიონი დოლარით (ზრდა 134%), ასევე გაზრდილია ფეროშენადნობების, სპილენძის მადნების, ღვინის, მინერალური წყლების, გაზიანი სასმელების და ლიმონათების, თხილის და სხვა საქონლის ექსპორტი, კლება კი სპირტიანი სასმელების ექსპორტში ფიქსირდება.

2026 წლის პირველი 4 თვის ტოპ საექსპორტო საქონელი:

# საქონელი მლნ დოლარი ზრდა/კლება 1 მსუბუქი ავტომობილები $537.4 -29% 2 ნავთობი და ნავთობპროდუქტები $324.1 922% 3 ძვირფასი ლითონების მადნები და კონცენტრატები $225.1 134% 4 ფეროშენადნობები $94.6 92% 5 სპილენძის მადნები და კონცენტრატები $80.1 119% 6 სპირტიანი სასმელები $75.9 -1% 7 ყურძნის ნატურალური ღვინოები $73.5 2% 8 მინერალური და მტკნარი წყლები, შაქრის დანამატების გარეშე $63.9 10% 9 გაზიანი სასმელები, შაქრის შემცველობით $61.0 39% 10 თხილი და სხვა კაკალი $59.7 58% 11 დანარჩენი საქონელი – სულ $844.5 11%