მთავარი
BM.GEწყარო
  1. მთავარი
  2. BM.GE
  3. აზერბაიჯანის ლაჩინის რაიონში სამი ახალი ჰიდროელექტროსადგურის მშენებლობა სრულდება
აზერბაიჯანის ლაჩინის რაიონში სამი ახალი ჰიდროელექტროსადგურის მშენებლობა სრულდება

აზერბაიჯანის ლაჩინის რაიონში სამი ახალი ჰიდროელექტროსადგურის მშენებლობა სრულდება

BM.GE7 ოქტომბერი, 2026, 03:30|bm.ge

AzerEnergy-მ ლაჩინის რაიონში, მდინარე შალვის მონაკვეთზე, 10.7 მეგავატი ჯამური სიმძლავრის სამი ახალი ჰიდროელექტროსადგურის სამშენებლო სამუშაოები დასკვნით ეტაპზე გადაიყვანა.

როგორც ირკვევა, სამივე ობიექტზე ტურბინებისა და გენერატორების სამონტაჟო პროცესი უკვე დაიწყო. სააგენტო Trend-ის ინფორმაციით, კომპანია სამუშაოების სრულად დასრულებას უახლოეს თვეებში შეძლებს.

აღსანიშნავია, რომ ახალი ინფრასტრუქტურა 4.59-მეგავატიან ენერგეტიკულ ობიექტ „სეიდლარს“, 3.16-მეგავატიან „ბულოვლუსა“ და 2.93-მეგავატიან „გოშასუს“ მოიცავს. როგორც აზერბაიჯანული მედია წერს, რთული მთიანი რელიეფის გათვალისწინებით, წყლის მიწოდების უზრუნველსაყოფად 14.5 კილომეტრი სიგრძის სადერივაციო მილსადენები მოეწყო.

ცნობისთვის, ლაჩინის რაიონის ელექტროენერგიის ამჟამინდელი მოთხოვნა 8-10 მეგავატს შეადგენს. ამ მოცულობას კი სრულად ადგილობრივ ჰიდროელექტროსადგურებში გამომუშავებული მწვანე ენერგია ფარავს. ადგილობრივ საჭიროებაზე მეტი გამომუშავებული ელექტროენერგია კი პირდაპირ აზერბაიჯანის ერთიან ენერგოსისტემაში გადაედინება.

ინფორმაციისთვის, ბოლო ექვსი წლის განმავლობაში AzerEnergy-მ ლაჩინის რაიონში 72.6 მეგავატი საერთო სიმძლავრის 11 ჰიდროელექტროსადგური ააშენა. ახალი ობიექტების ექსპლუატაციაში შესვლის შემდეგ, რაიონში მოქმედი ჰესების რაოდენობა 14-მდე გაიზრდება. ამ პროექტების დასრულებით კი მათი საერთო სიმძლავრე 83.3 მეგავატს მიაღწევს.

გაზიარება:

BM.GE

წყარო: bm.ge

ორიგინალი სტატია

მსგავსი სტატიები

აზერბაიჯანი სასურსათო ხორბალზე შიდა მოთხოვნის 65-70%-ის დაკმაყოფილებას გეგმავს

აზერბაიჯანი სასურსათო ხორბალზე შიდა მოთხოვნის 65-70%-ის დაკმაყოფილებას გეგმავს

BM.GE

Sound Ventures-მა $435 მილიონი Anthropic-ის 7-მილიარდიან წილად აქცია

Sound Ventures-მა $435 მილიონი Anthropic-ის 7-მილიარდიან წილად აქცია

BM.GE

“მიზანია, სისტემა შევქმნათ, რომელიც იმუშავებს” - რითეილერს, მწარმოებელსა და დისტრიბუტორს შორის ურთიერთობა დარეგულირდება

“მიზანია, სისტემა შევქმნათ, რომელიც იმუშავებს” - რითეილერს, მწარმოებელსა და დისტრიბუტორს შორის ურთიერთობა დარეგულირდება

BM.GE

მასშტაბური ტექნოლოგიური ხარვეზების გამო, აშშ-ის კიბერუსაფრთხოების დირექტორი გაათავისუფლეს

მასშტაბური ტექნოლოგიური ხარვეზების გამო, აშშ-ის კიბერუსაფრთხოების დირექტორი გაათავისუფლეს

BM.GE