აზერბაიჯანის საგარეო საქმეთა სამინისტროში რუსეთის ელჩი დაიბარეს - მიზეზი უკრაინაში Socar-ის სადგურზე თავდასხმაა
BM.GE|bm.ge
უკრაინაში SOCAR-ის სადგურზე მიტანილი იერიშის გამო, აზერბაიჯანის საგარეო საქმეთა სამინისტროში რუსეთის ელჩი დაიბარეს. როგორც აზერბაიჯანული სააგენტო Trend-ი წერს, მიხაილ ევდოკიმოვს მკაცრი პროტესტი გადასცეს 5 ივლისს, მიკოლაევის ოლქში მდებარე SOCAR-ის ავტოგასამართ სადგურზე განხორციელებული დრონების თავდასხმის გამო.
ელჩთან შეხვედრაზე ასევე აღინიშნა, რომ ეს არ ყოფილა პირველი შემთხვევა და უკრაინაში მდებარე SOCAR-ის ობიექტები აქამდეც გამხდარან თავდასხმის სამიზნე, რამაც მნიშვნელოვანი ზარალი გამოიწვია. ამ ფაქტების გათვალისწინებით, რუსულ მხარეს მოუწოდეს ჩაატაროს საფუძვლიანი გამოძიება, წარმოადგინოს მომხდარი მოვლენების სათანადო განმარტება და ასევე შეასრულოს საერთაშორისო ვალდებულებები.
გაზიარება:
BM.GE
წყარო: bm.ge