აზერბაიჯანის სტრატეგიულმა რეზერვებმა $89 მილიარდს გადააჭარბა, საგარეო ვალი კი შემცირდა

2026 წლის მესამე კვარტალის ბოლოს აზერბაიჯანის სტრატეგიული სავალუტო რეზერვები წლიურად 9.7%-ით გაიზარდა და $89.38 მილიარდს მიაღწია. პარალელურად, ქვეყნის საგარეო სახელმწიფო ვალი 7.8%-ით შემცირდა და $4.51 მილიარდი შეადგინა.

აღსანიშნავია, რომ ამ მაჩვენებლით დაგროვილმა სარეზერვო აქტივებმა საგარეო ვალდებულებებს 19.8-ჯერ გადააჭარბა. World Economics-ის მონაცემებით, საგარეო ვალისა და მთლიანი შიდა პროდუქტის 5%-იანმა თანაფარდობამ ქვეყანას ევროპაში პირველი ადგილი, მსოფლიოში კი მოწინავე სამეულის პოზიცია მოუტანა.

როგორც World Economics-ი წერს, საგარეო ვალის დაბალი დონე ბაქოს საერთაშორისო ბაზრებზე ენერგორესურსების ფასების ცვალებადობის პირობებში მანევრირების შესაძლებლობას მისცემს.

მინიმალური სასესხო ტვირთი სახელმწიფოს საპროცენტო ხარჯებს შეუმცირებს და გამოთავისუფლებული კაპიტალის ეკონომიკის დივერსიფიკაციისკენ მიმართვას გააადვილებს.

ინფორმაციისთვის, 2026 წლის იანვარ-სექტემბერში ქვეყნის მთლიანი შიდა პროდუქტი 1.5%-ით გაიზარდა და $60 მლრდ. შეადგინა. ამავე პერიოდში არასანავთობო ეკონომიკა 2.6%-ით გაიზარდა, არასანავთობო მრეწველობა კი 5.4%-ით გაფართოვდა.