
აზიურ ტექნოლოგიურ სექტორში ვარდნის ფონზე SoftBank-ის აქციები 14.48%-ით დაეცა
აზიურ ტექნოლოგიურ სექტორში აქციების მასშტაბური გაყიდვების დაწყებული ფონზე, პარასკევს იაპონური SoftBank Group-ის აქციების ფასი 14.48%-ით დაეცა.
სავაჭრო სესიის ბოლოს კომპანიის ერთი აქციის ღირებულება $19-მდე შემცირდა, რაც 2024 წლის აგვისტოს შემდეგ დაფიქსირებული ყველაზე ცუდი შედეგია.
ინფორმაციისთვის, აზიურ ბირჟებზე ნეგატიური განწყობა უოლ-სტრიტზე განვითარებულმა მოვლენებმა განაპირობა. როგორც ცნობილია, წინა სავაჭრო სესიაზე, Anthropic-ის მოსალოდნელზე ნაკლებად წარმატებული საფონდო დებიუტის შემდეგ, ტექნოლოგიური ინდექსი Nasdaq Composite-ი 2%-ზე მეტით დაეცა.
აღსანიშნავია, რომ SoftBank-ის აქციების მკვეთრი გაუფასურება ხელოვნური ინტელექტის სექტორში განხორციელებული მასშტაბური ინვესტიციების უკუგებასთან დაკავშირებით ინვესტორთა მზარდ შეშფოთებასაც უკავშირდება.
იაპონური ჯგუფი Anthropic-ის მეტოქე OpenAI-ის ერთ-ერთი უმსხვილესი მხარდამჭერია და მასში ჯამში $64.6 მილიარდი აქვს დაბანდებული. თავად OpenAI-ი კი, კვლავ ვერ ახერხებს იმის განსაზღვრას, თუ როდის წარდგენა საფონდო ბირჟაზე.
BM.GE
წყარო: bm.ge