ბიტკოინის ფასი 82,000 დოლარს უახლოვდება

გლობალურ კრიპტობირჟაზე აღმასვლის დინამიკა შეინიშნება – 24 საათში ბაზრის საერთო შეფასება თითქმის 3%-ით გაიზარდა და მან $2.7 ტრილიონს მიაღწია.

ერთ კვირაში ბიტკოინი 7%-ით არის გაძვირებული ის ამჟამად 82,000-დოლარიან ნიშნულს უახლოვდება, ხოლო მისი საბაზრო კაპიტალიზაცია $1.6 ტრილიონია.

გაძვირებულია ეთერიუმიც, რომლის ფასი 5%-ით, $2,4000-მდე გაიზარდა, მისი კაპიტალიზაცია კი $288 მილიარდის ფარგლებშია.

აღმასვლის დინამიკა შეინიშნება სხვა კრიპტოაქტივებთან მიმართებითაც, რაც გლობალური საფონდო ინდექსების აღმასვლით არის განპირობებული. მაგალითად, დღეს ამერიკული საფონდო ბირჟა ახალ რეკორდულ ნიშნულზე ავიდა, რაც ინვესტორების განწყობის გაუმჯობესებით არის გამოწვეული.

ზოგადად, როდესაც საფონდო ბირჟა იზრდება, მაშინ იმატებს ინტერესიც კრიპტოინდუსტრიის მიმართ, რადგან ინვესტორები სარისკო აქტივების შესყიდვას იწყებენ და კრიპტო სწორედ ამ აქტივების კატეგორიაში შედის.