ბრიტანეთში ინფლაცია 2.6%-მდე შემცირდა

დიდ ბრიტანეთში ინფლაციის დონემ ივნისში 2.6% შეადგინა. როგორც ირკვევა, მაჩვენებლის კლება ძირითადად სურსათსა და საწვავზე ფასების შემცირებამ განაპირობა.

ეროვნული სტატისტიკის სამსახურის მონაცემებით, წინა თვესთან შედარებით ინფლაციის ტემპი 0.2 პროცენტული პუნქტით შემცირდა.

ამას გარდა, ფასების კლება განსაკუთრებით შაქარზე, შოკოლადსა და საკონდიტრო ნაწარმზე დაფიქსირდა. როგორც ჩანს, სუპერმარკეტებს შორის არსებულმა მწვავე კონკურენციამ პროდუქციაზე ხელმისაწვდომობა გაზარდა. პარალელურად, საწვავის ღირებულება ახლო აღმოსავლეთში კონფლიქტის დაწყების შემდეგ პირველად შემცირდა. ამასთან, საზაფხულო ფასდაკლებების ფონზე, ტანსაცმლისა და ფეხსაცმლის ფასებმაც იკლო.

რაც შეეხება სამომავლო პერსპექტივას, ანალიტიკოსები ინფლაციის დროებით კლებაზე ამყარებენ იმედებს, თუმცა აშშ-ირანის კონფლიქტის ფონზე, ენერგომატარებლების გაძვირება, სავარაუდოდ, მომდევნო თვეებში ფასების ხელახალ ზრდას გამოიწვევს.

ცნობისთვის, ინგლისის ცენტრალური ბანკი მომდევნო კვირას შეხვედრას გეგმავს, თუმცა საპროცენტო განაკვეთების მატება ნაკლებად მოსალოდნელია, რადგან ინფლაცია დამაიმედებელ დინამიკას აჩვენებს.