ჩინეთმა ნედლი ნავთობის იმპორტი 10-წლიან მინიმუმამდე შეამცირა

2026 წლის ივნისში ჩინეთში ნედლი ნავთობის იმპორტი მკვეთრად შემცირდა და თითქმის ბოლო ათი წლის განმავლობაში ყველაზე დაბალ ნიშნულამდე ჩამოვიდა. არსებული ინფორმაციით, წლიურ ჭრილში მაჩვენებელი 41%-ითაა შემცირებული და 29.27 მილიონ ტონას შეადგენს, რაც 2016 წლის ოქტომბრის შემდეგ ყველაზე დაბალი მაჩვენებელია. აღსანიშნავია, რომ მაისის თვესთან შედარებით იმპორტი 12%-ით არის შემცირებული.

Bloomberg-ის ცნობით, შესყიდვების კლება სპარსეთის ყურეში მიმდინარე საომარმა მოქმედებებმა და შიდა მოთხოვნის მკვეთრმა შენელებამ გამოიწვია. ივნისის თვეში იმპორტის შემცირება პირდაპირ დაუკავშირდა აშშ-სა და ირანს შორის დარღვეულ ზავს და ჰორმუზის სრუტეში სამხედრო მოქმედებების განახლებას. იმის გათვალისწინებით, რომ ჩინეთის ნავთობის შესყიდვების დაახლოებით ნახევარი ახლო აღმოსავლეთზე მოდის, რეგიონში დაძაბულობის ახალი კერის გაჩენამ ქვეყანაზე პირდაპირი გავლენა იქონია.