ჩინეთმა ოქროს იმპორტზე რეკორდული მოცულობის თანხა - $158.8 მილიარდი დახარჯა

მიმდინარე წლის პირველ რვა თვეში ჩინეთმა ოქროს იმპორტზე რეკორდული რაოდენობის თანხა დახარჯა და 1,000 ტონაზე მეტი ძვირფასი ლითონი შეიძინა.

როგორც ირკვევა, მსოფლიოს მეორე ეკონომიკამ აღნიშნულ პერიოდში ზოდების შესაძენად თითქმის $160 მილიარდი გამოყო. შედარებისთვის, 2025 წლის განმავლობაში ქვეყანამ 886 ტონა ოქროში სულ $96.5 მილიარდი გადაიხადა. აღსანიშნავია, რომ შესყიდვების მკვეთრი ზრდა უნცია ოქროს ფასის $5,595-მდე გაძვირების შემდეგ დაიწყო. ინფორმაციისთვის, გასული წლის დასაწყისში ძვირფასი ლითონის საბაზრო ღირებულება $2,625-ს შეადგენდა.

მნიშვნელოვანია ითქვას, რომ ჩინელი ინვესტორები და ქვეყნის ცენტრალური ბანკი საკუთარი აქტივების დივერსიფიკაციას გაზრდილი გეოპოლიტიკური დაძაბულობის ფონზე ცდილობენ.

ცნობისთვის, ჩინეთი მსოფლიოში ძვირფასი ლითონის უმსხვილესი მწარმოებელიცაა. გასულ წელს ქვეყანამ 384 ტონა ოქრო მოიპოვა.