ჩინურმა სასამართლომ კომპანიებს, AI-ს გამო, თანამშრომლების გათავისუფლება აუკრძალა
ჩინეთის სასამართლომ მიიღო პრეცედენტული გადაწყვეტილება, რომლის მიხედვითაც კომპანიებს ეკრძალებათ თანამშრომლების სამსახურიდან დათხოვნა მხოლოდ იმ მიზნით, რომ ისინი ხელოვნური ინტელექტის სისტემებით ჩაანაცვლონ.
ეროვნულმა სასამართლომ უკანონოდ მიიჩნია აღმოსავლეთ ჩინეთში მოქმედი ტექნოლოგიური კომპანიის ქმედება, რომელმაც თანამშრომელი მას შემდეგ გაათავისუფლა, რაც ამ უკანასკნელმა სამუშაო პროცესის ავტომატიზაციის გამო პოზიციის დაქვეითებაზე უარი განაცხადა.
მოსამართლის განმარტებით, ტექნოლოგიური პროგრესი არ წარმოადგენს შრომითი ხელშეკრულების ცალმხრივად შეწყვეტის ან ხელფასის შემცირების საფუძველს, თუ ორგანიზაცია ბიზნესის მასშტაბების შემცირებას ან საოპერაციო სირთულეებს არ აწყდება.
დავის საგანი ხარისხის უზრუნველყოფის სპეციალისტი გახდა, რომელიც ხელოვნური ინტელექტის ენობრივი მოდელების მონაცემთა სიზუსტეს ამოწმებდა. მას შემდეგ, რაც მისი ფუნქციები AI სისტემამ შეითავსა, კომპანიამ მას პოზიციის შეცვლა და ანაზღაურების 40%-იანი შემცირება შესთავაზა. უარის მიღების შემდეგ ადმინისტრაციამ თანამშრომელი შტატების შემცირების მოტივით დაითხოვა, თუმცა სასამართლომ დაადგინა, რომ ეს ქმედება კანონის მოთხოვნებს არ შეესაბამებოდა და კომპანიას კომპენსაციის გადახდა დააკისრა.
BM.GE
წყარო: bm.ge