„დეილის“ ქსელში AI-ის დანერგვის შემდეგ ფასები შედარებით შემცირდა | Stemscale Georgia სურსათის გაიაფების რესურსზე

Stemscale Georgia-ს მთავარი აღმასრულებელი ოფიცრის მიხეილ კუკავას შეფასებით, „ფასების საპარლამენტო კომისიის“ დასკვნაში ნახსენები ფაქტორების გარდა, პროდუქციის ფასების ფორმირებაზე, კიდევ სხვა უამრავი ფაქტორი ახდენს გავლენას, რაზედაც მისი ორგანიზაცია მუშაობს.

„მთავრობამ უნდა მოუსმინოს ბიზნესს“ - აცხადებს BMG tv-ის გადაცემა "ანალიტიკასთან" საუბრისას Stemscale Georgia-ს მთავარი აღმასრულებელი ოფიცერი, რადგან მისი თქმით, ბიზნესი ხედავს იმას, რასაც სახელმწიფო უწყებები ვერასდროს დაინახავენ. მიხეილ კუკავა განმარტავს, რომ მათი კომპანია FMCG-სექტორთან ერთად ბიზნესპროცესების ოპტიმიზაციაზე საუბრობს და მათ კარგად იციან, რომ ფასების შემცირების საუკეთესო გზა სწორი მენეჯმენტია.

მარაგების და გაყიდვების, "სეილს მიქსის" არაეფექტიანი მართვა ბევრიდან ერთ-ერთი მიზეზია, რის გამოც ფასები მაღალია. ჩვენ კონკრეტულ ბიზნესებთან ვმუშაობთ და ვხედავთ იმას, რასაც მთავრობა ვერასდროს ვერ დაინახავს, ვერც ეკონომიკის სამინისტრო, ვერავინ დაინახავს. რვა თვე, რვა კაციანი გუნდი დღე და ღამე ვმუშაობთ - ერთ-ერთი მთავარი, რაზეც ვმუშაობთ ფასების კორექტირებაა, რომ ბიზნესს, ჩვენს კლიენტებს დავანახოთ ფასების კორექტირების აუცილებლობა და ის დავანახოთ - რა განაპირობებს ამ ფასს. მაგალითად, საქართველოში მიმართ არის ტოტალური უნდობლობა და კონსიგნაციაზე გაყიდვის ძალიან შეზღუდული გამოყენებაა - ესეც და სხვა უამრავი ფაქტორი ზრდის ფასს - ლოგისტიკა, ლარის კურსი, რაც თვითონ კომისიის დასკვნაშია ნახსენები და რაც არ არის ნახსენები კიდევ, კიდევ უამრავი ფაქტორი. კარგია რომ კომისიის დასკვნაში ხელს ხარბი ქართლი ბიზნესისკენ არ ვიშვერთ“, - აცხადებს მიხეილ კუკავა და კითხვას - სად ხედავენ სპეციალისტები პროდუქციის ფასების შემცირების რესურსს, „დეილისთან“ თანამშრომლობის მაგალითით პასუხობს: „დეილის" სასურსათო მაღაზიების ქსელი, სადაც ხელოვნურ ინტელექტზე დაფუძნებულმა დაგეგმვამ და ჩვენმა პარტნიორმა კომპანიამ გააკეთა "სტემსქეილის", "ლიფაიომ", მისცა "დეილის" ქსელს ის, რომ ფულის მარაგებში გაჩერების დღეები 16%-ით შეუმცირდა; ჭარბი მარაგები შეუმცირდა 17%-ით. ასორტიმენტში პროდუქტის ხელმისაწვდომობა 8%-ით გაიზარდა. გაყიდვები გაიზარდა 23%-ით და ამან ფასზეც მოახდინა გავლენა, რადგან მანამდე, ამ ჩარევამდე "დეილის" ფასები მაღალი იყო და შედარებით შემცირდა".