Disney-მ ასობით თანამშრომელი გაათავისუფლა

ამერიკულმა The Walt Disney Company-მ 300-მდე თანამშრომელი სამსახურიდან გაათავისუფლა. შემცირებების ახალი ეტაპი, ძირითადად, ადამიანური რესურსებისა და ტექნოლოგიური დეპარტამენტების პოზიციებს შეეხო.

ამასთან, ახალი სტრატეგიის ფარგლებში, აპრილში მარკეტინგის განყოფილება გაერთიანდა და 1000-მდე პოზიცია გაუქმდა. ამას გარდა, ივლისში ასობით თანამშრომელი Pixar-ის, ESPN-ისა და National Geographic-ის დეპარტამენტებიდან გაათავისუფლეს.

საყურადღებოა, რომ ეს საკადრო ცვლილებები ახალი აღმასრულებელი დირექტორის, ჯოშ დ'ამაროს სტრატეგიის ნაწილია. მან კომპანიის ხელმძღვანელის პოსტზე ბობ აიგერი მიმდინარე წლის მარტში ჩაანაცვლა და მისი მიზანი Disney-ის ეფექტიანობის დრამატულად გაზრდაა.

რაც შეეხება სამომავლო ხედვას, ჯოშ დ'ამაროს სტრატეგია მიზნად სხვადასხვა განყოფილების ინტეგრაციას ისახავს. პროექტი კინემატოგრაფიის, სტრიმინგის, თემატური პარკებისა და სპორტული მიმართულებების გაერთიანებას მოიაზრებს.

ასეთი დრამატული ცვლილებების მთავარი მიზეზი ისაა, რომ 5-წლიან პერიოდში Disney-ის შეფასება 40%-ით არის შემცირებული, მაშინ როცა Nasdaq-ის ინდექსს ამავე პერიოდში 105%-იანი ზრდა აქვს.