დიუშენის კუნთოვანი დისტროფიის მქონე ბავშვების დასახმარებლად ₾1.6 მილიონი შეგროვდა - მარათონი გრძელდება
დიუშენის კუნთოვანი დისტროფიის მქონე ბავშვების დასახმარებლად 1 600 000 ლარი შეგროვდა. ამის შესახებ ცნობილი სტუდენტების მოძრაობის "დაიცავი ილიაუნის" Facebook გვერდიდან ხდება.
საგულისხმოა, რომ "დაიცავი ილიაუნის" საქველმოქმედო მარათონს ათეულობით კომპანია შეუერთდა, მათ შორის გამომცემლობები, უნივერსიტეტები და კლინიკები. ლაივ-სტრიმი ამ დრომდე უწყვეტ რეჟიმში მიმდინარეობს და სტუდენტების განცხადებით, მარათონი არ შეწყდება, ვიდრე დონაციები გაგრძელდება.
მათივე ინფორმაციით, შეგროვილი თანხა დიუშენის კუნთოვანი დისტროფიის მქონე ბავშვების ყოველდღიურ საჭიროებებს მოხმარდება. მათ შორის სასუნთქი აპარატების და მათი მუდმივი მუშაობისთვის საჭირო გენერატორების შეძენას, მედიკამენტებს, ადაპტირებულ საწოლებს, ეტლებსა და სხვადასხვა სახის ხერხემლის ოპერაციებს.
შეგახსენებთ, რომ სტუდენტებმა "1 ლარის მარათონი" 20 მაისს დაიწყეს.
BM.GE
წყარო: bm.ge