დიუშენის კუნთოვანი დისტროფიის მქონე ბავშვებისთვის 1.5 მილიონი ლარი შეგროვდა
დიუშენის კუნთოვანი დისტროფიის მქონე ბავშვების ყოველდღიური საჭიროებისთვის 1.5 მილიონი ლარი შეგროვდა - ამის შესახებ ცნობილი სტუდენტების Facebook გვერდიდან ხდება.
სტუდენტებმა "1 ლარის მარათონი" 20 მაისს დაიწყეს.
მარათონს ბიზნესებიც შეუერთდნენ.
"მაშინ როდესაც, სახელმწიფო არ იღებს პასუხისმგებლობას ბავშვების სიცოცხლესა და ჯანმრთელობაზე, მათთვის აუცილებელი მედიკამენტის ქვეყანაში შემოტანაზე, მოქალაქეების ჩართულობა გადამწყვეტია. გვჯერა, რომ ერთობლივი ძალისხმევითა და თანადგომით შევძლებთ საჭირო ფინანსების შეგროვებას და ბავშვების მდგომარეობის გაუმჯობესებას!
გთხოვთ, ჩაერთოთ ერთი ლარის კამპანიაში, რადგან თითოეული თქვენგანის ჩართულობა არის გადამწყვეტი. ერთი ლარის კამპანია გულისხმობს, რომ ყოველმა მსურველმა სიმბოლურად მხოლოდ 1 ლარი ჩარიცხოს", - ვკითხულობთ "დაიცავი ილიაუნის" ვებგვერდზე.
მარათონის პარალელურად შეიქმნა პეტიცია "მიეცით წამალი ბავშვებს", რომლის ხელმომწერებიც ადასტურებენ, რომ თანახმა არიან, გადასახადებიდან ბიუჯეტში მობილიზებული თანხა დიუშენის კუნთოვანი დისტროფიის მქონე ბავშვებისთვის აუცილებელ მედიკამენტებში დაიხარჯოს.
შეგახსენებთ, რომ დიუშენის კუნთოვანი დისტროფიის მქონე ბავშვების მშობლები ერთი თვეა ღამეს მთავრობის ადმინისტრაციასთან ათენებენ. ამასთან, პროტესტის მონაწილეები ყოველ ორშაბათს, 17:00 საათზე, მთავრობის ადმინისტრაციის შენობასთან იკრიბებიან და ხელისუფლებას პასუხისმგებლობის აღებისა და კონკრეტული ნაბიჯების გადადგმისკენ მოუწოდებენ. პარალელურად, ყოველკვირეულად სიმბოლური "დიუშენის მარში" იმართება.
"ვაგრძელებთ პროტესტს, ვითხოვთ დიუშენის საწინააღმდეგო წამლების შემოტანას" - მშობლები
BM.GE
წყარო: bm.ge