დონალდ ტრამპი და სი ძინპინი შეთანხმდნენ, რომ ირანს ბირთვული იარაღი არ უნდა ჰქონდეს
BM.GE|bm.ge
აშშ-ისა და ჩინეთის ლიდერები შეთანხმდნენ, რომ ირანს ბირთვული იარაღის ქონის უფლება არ უნდა მიეცეს. ამასთან, მხარეებმა დააფიქსირეს საერთო პოზიცია იმასთან დაკავშირებით, რომ ჰორმუზის სრუტე უნდა გაიხსნას და რომ ირანს მასზე კონტროლი არ უნდა ჰქონდეს.
თეთრი სახლის განცხადებით, ჩინეთის ლიდერმა სრუტის მილიტარიზაციისა და იქ გადასახადების დაწესების წინააღმდეგ მკაფიო პოზიცია დააფიქსირა. ამასთან, სი ძინპინმა ვაშინგტონს პირობა მისცა, რომ ირანს სამხედრო აღჭურვილობას აღარ მიაწვდის.
საყურადღებოა, რომ ჩინეთის პრეზიდენტს ირანთან დაკავშირებულ დისკუსიებზე ოფიციალური კომენტარი არ გაუკეთებია. ნაცვლად ამისა, ქვეყნის საგარეო უწყებამ განცხადება გაავრცელა და აღნიშნა, რომ მიმდინარე ომის გაგრძელების აუცილებლობა აღარ არსებობს.
გაზიარება:
BM.GE
წყარო: bm.ge