დონალდ ტრამპი ომანს ჰორმუზის სრუტის გამო სამხედრო დარტყმით დაემუქრა
დონალდ ტრამპი ომანს ჰორმუზის სრუტის გამო სამხედრო დარტყმით დაემუქრა. აშშ-ის პრეზიდენტმა მკაცრად დაგმო ის გეგმა, რომელიც ირანისა და ომანის მიერ ჰორმუზის სრუტეში გამავალი გემებიდან ერთობლივი ბაჟის აკრეფას ითვალისწინებდა და განაცხადა, რომ თუ ომანი სხვა მეზობელი სახელმწიფოების მსგავსად არ მოიქცევა, ამერიკულ მხარეს მისი ობიექტების განადგურება მოუწევს. პრეზიდენტის განცხადებით, ჰორმუზის სრუტე საერთაშორისო წყლებს მიეკუთვნება, ამიტომ მის კონტროლს ამერიკა "არავის დაუთმობს" და უსაფრთხოებას თავად უზრუნველყოფს.
მნიშვნელოვანია ითქვას, რომ ამ სანაოსნო მონაკვეთის გახსნა აშშ-სა და ირანს შორის მიმდინარე სამთვიანი ომის დასრულების შესახებ მოლაპარაკებებში უმნიშვნელოვანესი ფაქტორია. როგორც ცნობილია, მიმდინარე წლის თებერვალში, ისრაელისა და ამერიკის მხრიდან განხორციელებული თავდასხმის პასუხად, თეირანმა ეს კრიტიკულად მნიშვნელოვანი ჩაკეტა, რამაც ენერგეტიკულ ბირჟას სერიოზული პრობლემები შეუქმნა. ამასთან, გაეროს სურსათისა და სოფლის მეურნეობის ორგანიზაციის სპეციალისტები შიშობენ, რომ საზღვაო მიმოსვლის პარალიზება საერთაშორისო სასურსათო კრიზისის წინაპირობაც გახდება.
როგორც ცნობილია, დონალდ ტრამპმა აპრილში ცეცხლის შეწყვეტის რეჟიმი აამოქმედა, თუმცა სრუტე ამ დრომდე ბლოკირებული რჩება, რადგან მას ირანი ომის დასრულების დათქმის გარეშე არ ხსნის.
ცნობისთვის, ამ სტრატეგიულ მარშრუტზე მსოფლიო ნავთობის მიწოდების დაახლოებით 20% გადის.
BM.GE
წყარო: bm.ge