დრონების თავდასხმის საფრთხის გამო მოსკოვში მობილური ინტერნეტი შეიზღუდა

რუსეთის ხელისუფლებამ მოსკოვში მობილური ინტერნეტის მიწოდება შეზღუდა. როგორც ირკვევა, ეს გადაწყვეტილება მიზნად 9 მაისის სამხედრო აღლუმის უსაფრთხოების უზრუნველყოფას ისახავს.

ოფიციალური მოსკოვი ამ ნაბიჯს უკრაინული დრონების მხრიდან მოსალოდნელი თავდასხმების მაღალი რისკით ხსნის. აღსანიშნავია, რომ წელს დაგეგმილი საზეიმო ღონისძიებების მასშტაბები მნიშვნელოვნადაა შემცირებული.

აღლუმზე არ გამოჩნდება ტანკები. სხვადასხვა ქვეყნების ლიდერთა რაოდენობა კი გასული წელთან შედარებით მკვეთრად, 2 პრეზიდენტამდეა შემცირებული. შეხსენებისთვის, 9 მაისს რუსეთი ნაცისტურ გერმანიაზე გამარჯვების წლისთავს ყოველწლიური ღონისძიებით აღნიშნავს.

როგორც ირკვევა, ინტერნეტის შეფერხება უკვე აქტიურად შეეხო დედაქალაქის სხვადასხვა ნაწილებს. Reuters-ის ჟურნალისტებმა ცენტრალურ ოფისს ინფორმაცია ოფიციალურად დაადასტურეს. მობილური კავშირის ოპერატორების განმარტებით, უსაფრთხოების ზომების გათვალისწინებით, შეზღუდვები რამდენიმე დღეს გაგრძელდება. აღსანიშნავია, რომ მოსალოდნელი პრობლემების შესახებ მომხმარებლები Sberbank-მაც გააფრთხილა. საგულისხმოა, რომ ინტერნეტის დეფიციტი Yandex-ის ტაქსის გამოძახების სერვისის მუშაობაზეც აისახა.

შეგახსენებთ, უკრაინაში რუსეთის შეჭრიდან ოთხი წლის შემდეგ, მხარეებს შორის ომი გარკვეულწილად დრონებით დაპირისპირებაშია გადაზრდილი. ორივე ქვეყნის უპილოტო საფრენი აპარატები სამიზნეებად ფრონტის ხაზიდან შორს მდებარე ენერგეტიკულ ინფრასტრუქტურასა და სამეთაურო პუნქტებს ირჩევენ.