დუმამ ოკუპირებულ ცხინვალთან თანამშრომლობის გაღრმავების შესახებ შეთანხმება დაამტკიცა
რუსეთის დუმამ დროებით ოკუპირებულ ცხინვალთან თანამშრომლობის გაღრმავების შესახებ შეთანხმება დაამტკიცა. დოკუმენტი რატიფიცირებისთვის რუსეთის პრეზიდენტმა შეიტანა.
დოკუმენტს ხელი რუსეთის პრეზიდენტმა და ოკუპირებული ცხინვალის ე.წ. პრეზიდენტმა ალან გაგლოევმა მოსკოვში, 2026 წლის 9 მაისს მოაწერეს ხელი.
დუმის ვებგვერდზე გამოქვეყნებული ინფორმაციით, შეთანხმების მიხედვით, მხარეები ერთიანი ეკონომიკური სივრცის შექმნას გააგრძელებენ და ეტაპობრივად საგარეო სესხებისა და უცხოური ინვესტიციების მიმართ ერთიან მიდგომაზე გადავლენ. იგეგმება საგარეო და თავდაცვა-უსაფრთხოების სფეროში შეთანხმებული პოლიტიკის გატარება, ინფრასტრუქტურის და ადამიანური პოტენციალი განვითარება. ორივე მხარის ტერიტორიებზე აღიარებული იქნება ორივე ქვეყნის სახელმწიფო ორგანოებისა და ადგილობრივი თვითმმართველობის ორგანოების მიერ გაცემული დოკუმენტები.
"გარდა ამისა, მხარეები იღებენ ვალდებულებას გაატარონ ზომები შრომის კანონმდებლობის, მოსახლეობის სოციალური დაცვისა და საპენსიო უზრუნველყოფის სფეროში კანონმდებლობის უნიფიკაციისთვის, მათ შორის, ხელშემკვრელი მხარეების მოქალაქეთა შრომითი სტაჟის ურთიერთაღიარების საკითხში, ასევე გადადგან ნაბიჯები, რომლებიც მიმართულია ერთიანი ეკონომიკური სივრცის შექმნისკენ, მხარეების მოქალაქეთა კეთილდღეობისა და ცხოვრების დონის ამაღლებისკენ", - ნათქვამი დუმის გავრცელებულ ინფორმაციას.
BM.GE
წყარო: bm.ge