
ეკონომიკური კალენდარი – რას უნდა ველოდოთ მომავალ კვირას
მომავალ კვირას ინვესტორთა ყურადღების ცენტრში აშშ-ის ეკონომიკური ზრდისა და ინფლაციის უახლესი სტატისტიკა მოექცევა, რომელზეც FED-ს მომავალი გადაწყვეტილება იქნება დამოკიდებული.
ანალიტიკოსების პროგნოზით, მშპ-ის ზრდის მაჩვენებელი 3.4%-ის ფარგლებში იქნება, ხოლო ინფლაცია 3.2%-ის ფარგლებშია მოსალოდნელი. თუ რეალური შედეგები პროგნოზირებულზე უარესი აღმოჩნდება, საფონდო ბირჟაზე ისევ დაღმასვლის ტენდენციის გაგრძელებას ვიხილავთ.
ცხადია, ინვესტორები დიდი ყურადღებით აკვირდებიან გეოპოლიტიკურ პროცესებსაც, განსაკუთრებით მნიშვნელოვანი კი აშშ-ირან-ისრაელის სამშვიდობო მოლაპარაკების პროცესია, რომელიც ბოლო ერთი კვირის განმავლობაში ფაქტობრივად, გაყინული იყო.
ამასთან, მომავალი კვირა გამორჩეულად დატვირთული იქნება მსხვილი კომპანიების ფინანსური შედეგების გასაჯაროების მიმართულებით. კერძოდ, საკუთარ შედეგებს გაგვაცნობენ HP, Dell, Analog Devices, Deere, Li Auto, BHP Group, Trip.com, Zoom და Autodesk.
რაც შეეხება საქართველოს, სტატისტიკის ეროვნული სამსახური შემდეგ მონაცემებს განასაჯაროებს:
• საგარეო ვაჭრობის (ექსპორტ-იმპორტის) მონაცემები • ადგილობრივი ტურიზმის სტატისტიკა (2026 წლის III კვარტალი) • ყოველთვიური ენერგეტიკული სტატისტიკის მაჩვენებლები (2026 წლის სექტემბერი) • სისხლის სამართლის სტატისტიკის მაჩვენებლები (2026 წლის ოქტომბერი)
BM.GE
წყარო: bm.ge