EU გაყინული რუსული აქტივებიდან დარიცხულ €1,4 მილიარდს უკრაინას გადასცემს
BM.GE|bm.ge
ევროკავშირი გაყინული რუსული აქტივებიდან დარიცხულ 1,4 მილიარდ ევროს ($1,6 მილიარდი) უკრაინას გადასცემს.
ევროკომისიის ცნობით, თანხა ევროკავშირს 3 აგვისტოს დაერიცხა და ეს არის პროცენტი იმ ნაღდი ფულის ნაშთებიდან, რომელიც რუსეთის ცენტრალური ბანკის აქტივების ნაწილს შეადგენს და რომელიც ევროკავშირმა უკრაინაში რუსეთის შეჭრის შემდეგ გაყინა.
„რუსეთმა უნდა გადაიხადოს იმ ნგრევისთვის, რაც გამოიწვია. ჩვენ სწორედ უძრავი რუსული აქტივებიდან მიღებულ შემოსავლებს ვიყენებთ, რათა ეს უზრუნველვყოთ. უკრაინისთვის დამატებით 1,4 მილიარდ ევროს გამოვყოფთ. ეს მხარს დაუჭერს რუსეთის უკანონო ომის წინააღმდეგ უკრაინის წინააღმდეგობას“, - აღნიშნა ევროკომისიის პრეზიდენტმა ურსულა ფონ დერ ლაიენმა განცხადებაში.
გაზიარება:
BM.GE
წყარო: bm.ge