მთავარი
BM.GEწყარო
  1. მთავარი
  2. BM.GE
  3. EU-მა Wildberries-ის დამფუძნებელი და Ozon-ის მეწილე ალექსანდრე ჩაჩავა დაასანქცირა
EU-მა Wildberries-ის დამფუძნებელი და Ozon-ის მეწილე ალექსანდრე ჩაჩავა დაასანქცირა

EU-მა Wildberries-ის დამფუძნებელი და Ozon-ის მეწილე ალექსანდრე ჩაჩავა დაასანქცირა

BM.GE16 ნოემბერი, 2026, 19:52|bm.ge

ევროკავშირმა სანქციების სიაში Wildberries-ის დამფუძნებელი და კომპანია RWB-ის ხელმძღვანელი, ტატიანა კიმი და ინვესტორი ალექსანდრე ჩაჩავა შეიყვანა. შემზღუდავი ზომების დაწესების შესახებ ინფორმაცია ევროკავშირის ოფიციალურ ჟურნალში გამოქვეყნდა.

ინფორმაციისთვის, ტატიანა კიმი RWB-ს მას შემდეგ ხელმძღვანელობს, რაც ონლაინპლატფორმა Wildberries-ისა და სარეკლამო ჯგუფ Russ-ის შერწყმა დასრულდა. კიმი კომპანია Wildberries LLC-ის ერთპიროვნული მფლობელია, ხოლო ეს კომპანია RWB LLC-ის 65%-იან წილს ფლობს.

RWB-ის პრესსამსახურში განაცხადეს, რომ კიმის წინააღმდეგ დაწესებულ სანქციებს თავად RWB-სა და მის ეკოსისტემაში შემავალ კომპანიებზე გავლენა არ ექნება. პრესსამსახურის განმარტებით, კომპანიას ევროკავშირში აქტივები არ აქვს და ბლოკის ქვეყნებში არ ოპერირებს.

რაც შეეხება ალექსანდრე ჩაჩავას, ის ვენჩურული ფონდ LETA Capital-ის დამფუძნებელი და IT-კომპანია PRO32-ის თანადამფუძნებელია. ჩაჩავას კუთვნილი კომპანიები Yandex-ის ინვესტორები არიან.

საყურადღებო ფაქტია, რომ სანქციების გამოცხადებამდე ერთი კვირით ადრე ჩაჩავას კუთვნილმა კომპანიებმა სააქციო საზოგადოება O23-ზე კონტროლი დაკარგეს.

სიცხადისთვის, ეს სააქციო საზოგადოება ონლაინპლატფორმა Ozon-ის 34.95%-იან წილს ფლობდა. Ozon-ის ცნობით, ჩაჩავა ამ კომპანიის აქციონერი 2025 წლის ზაფხულიდან იყო.

ამას გარდა, ჩაჩავა ვიდეოთამაშების შემქმნელ და გამომცემელ კომპანია My.Games-საც ფლობდა, თუმცა მის მენეჯმენტისთვის მიყიდვაზე შეთანხმდა.

გაზიარება:

BM.GE

წყარო: bm.ge

ორიგინალი სტატია

მსგავსი სტატიები

ინფლაციის მთავარი მდგენელი საგარეო შოკია - ნათია თურნავა

ინფლაციის მთავარი მდგენელი საგარეო შოკია - ნათია თურნავა

BM.GE

წყალტუბოს დაბალი ცნობადობა და ინფრასტრუქტურის ნაკლებობა ინვესტიციების მოზიდვას აფერხებს – მაია წერეთელი

წყალტუბოს დაბალი ცნობადობა და ინფრასტრუქტურის ნაკლებობა ინვესტიციების მოზიდვას აფერხებს – მაია წერეთელი

BM.GE

Euromoney-მ თიბისისა და „ვისოლის“ ერთობლივი პროექტი საუკეთესოდ აღიარა

Euromoney-მ თიბისისა და „ვისოლის“ ერთობლივი პროექტი საუკეთესოდ აღიარა

BM.GE

აშშ-ის ფინანსთა მინისტრმა ჩინეთში ჩიპების გაყიდვაზე NVIDIA-სგან განმარტება მოითხოვა

აშშ-ის ფინანსთა მინისტრმა ჩინეთში ჩიპების გაყიდვაზე NVIDIA-სგან განმარტება მოითხოვა

BM.GE