ფინანსური სექტორისთვის სპეციალური ChatGPT შეიქმნა

ხელოვნური ინტელექტის სექტორის ლიდერმა, OpenAI-მ ფინანსური სექტორისთვის სპეციალიზებული ახალი პროდუქტი, ChatGPT for Financial Services ოფიციალურად წარადგინა. ინოვაციური პლატფორმა, რომელიც ChatGPT Work-ის ბაზაზე შეიქმნა და კომპანიის უახლესი AI-მოდელით, GPT-6 Astra-თი არის აღჭურვილი, საინვესტიციო საბანკო საქმიანობისა და ფინანსური კვლევების ავტომატიზაციას ისახავს მიზნად.

როგორც ირკვევა, პროდუქტის შემუშავებაში საკვანძო როლი ამერიკულმა საინვესტიციო გიგანტებმა, Morgan Stanley-მ და Evercore-მა შეასრულეს. პარტნიორ ბანკებთან თანამშრომლობისას გამოიკვეთა, რომ ანალიტიკოსების მთავარ პრობლემას მონაცემთა სანდოობა და საპრეზენტაციო მასალების მომზადების შრომატევადი პროცესი შეადგენდა.

ახალი სისტემა ანალიტიკოსებს საშუალებას აძლევს, წამებში დაამუშაონ კომპანიების ფინანსური უწყისები, შეამოწმონ დაშვებები და ავტომატურ რეჟიმში შექმნან Excel-ის მოდელები, PowerPoint-ის პრეზენტაციები და დიაგრამები.

ახალი პლატფორმა 50-ზე მეტ სხვადასხვა ფინანსურ სერვისსა და ინსტრუმენტს უკავშირდება და OpenAI-ის შეფასებით, ის უოლ-სტრიტზე დასაქმებული ყველა პროფესიონალისათვის გამოსადეგი იქნება.

ფინანსურ ასისტენტთან ერთად, დაგეგმილია AI-ინვესტორის და ტრეიდერის გაშვებაც, რომელთაც ათასობით კომპანიის მონაცემების დამუშავება მუდმივ რეჟიმში, თითქმის წამებში შეეძლებათ.