ფინეთმა უკრაინას €290-მილიონიანი სამხედრო დახმარების პაკეტი დაუმტკიცა

ფინეთმა უკრაინას €290 მილიონის ($334 მლნ.) ღირებულების 34-ე სამხედრო დახმარების პაკეტი გამოუყო. არსებული ინფორმაციით, ქვეყნის პრეზიდენტმა, ალექსანდერ სტუბმა შესაბამისი გადაწყვეტილება მთავრობის წარდგინების საფუძველზე ოფიციალურად მიიღო.

აღსანიშნავია, რომ თანხის მოცულობა ქვეყნის მიერ დამტკიცებულ პაკეტებს შორის რიგით მეორეა და ის მიზნად უკრაინის შეიარაღებული ძალებისთვის გადაუდებელი აღჭურვილობის მიწოდებას ისახავს მიზნად. საყურადღებო ფაქტია, რომ ამ გადაწყვეტილების შედეგად, ჰელსინკის მიერ კიევისთვის მიწოდებული თავდაცვითი შეიარაღების საერთო ღირებულებამ 2022 წლიდან დღემდე €3.6 მილიარდს გადააჭარბა.

მნიშვნელოვანია ითქვას, რომ ახალი ტვირთი როგორც ფინეთის შეიარაღებული ძალების რეზერვებიდან გამოყოფილ მარაგებს, ისე ადგილობრივი საწარმოებისგან შესყიდულ სამხედრო პროდუქციას აერთიანებს. თავდაცვის მინისტრის, ანტი ჰაკანენის განმარტებით, სახელმწიფო მოკავშირეს საჭიროებებზე მორგებულ მატერიალურ დახმარებას უწყვეტად მიაწვდის.