
ფონიჭალაში ნანგრევებიდან 2 გარდაცვლილი ამოასვენეს | მაშველები კიდევ 4 ადამიანს ეძებენ
BM.GE|bm.ge
ქვემო ფონიჭალაში, საცხოვრებელი კორპუსის ნანგრევებიდან მაშველებმა ორი ადამიანის ცხედარი ამოასვენეს. მედიაში გავრცელებული ინფორმაციით, გარდაცვლილებს შორის ერთი ბავშვი, მეორე კი ქალია.
ამ დროისთვის ნანგრევებში კიდევ 4 ადამიანის სამძებრო-სამაშველო სამუშაოები მიმდინარეობს.
რაც შეეხება დაშავებულებს, ბოლო ინფორმაციით, აფეთქების შედეგად კლინიკაში 5 ადამიანია გადაყვანილი, მათ შორის 2 მცირეწლოვანია.
შეგახსენებთ, რომ დღეს დილით ქვემო ფონიჭალაში, საცხოვრებელ კორპუსში, სავარაუდოდ, ბუნებრივი აირის დაგროვების შედეგად აფეთქება მოხდა. აფეთქების შედეგად შენობის ნაწილი ჩამოინგრა, რის შემდეგაც ადგილზე სამაშველო ჯგუფები მუშაობენ.
გაზიარება:
BM.GE
წყარო: bm.ge