ფოთში მატარებლიდან 3 000 ლიტრამდე საწვავის ქურდობის ბრალდებით ერთი პირი დააკავეს
BM.GE|bm.ge
შინაგან საქმეთა სამინისტროს ინფორმაციით, ფოთში, რკინიგზის სადგურის ტერიტორიაზე, დიდი ოდენობით საწვავის ქურდობის ფაქტზე ერთი პირი დააკავეს.
გამოძიების ვერსიით, ბრალდებული მატარებლის ვაგონის ავზიდან საწვავს ფარულად ჩამონტაჟებული მილის მეშვეობით ეუფლებოდა. ჯამში, საუბარია 3 000-მდე ლიტრ მოპარულ საწვავზე.
პოლიციამ ნაქურდალი საწვავი ნივთმტკიცებად უკვე ამოიღო. შსს-ში აცხადებენ, რომ ამ ეტაპზე აქტიური საგამოძიებო მოქმედებები გრძელდება დანაშაულში მონაწილე სხვა შესაძლო პირების დადგენისა და დაკავების მიზნით.
საქმე აღძრულია სისხლის სამართლის კოდექსის 177-ე მუხლის მე-2 და მე-4 ნაწილებით, რაც გულისხმობს ქურდობას, ჩადენილს დიდი ოდენობით. დანაშაული სასჯელის სახედ 6-დან 10 წლამდე ვადით თავისუფლების აღკვეთას ითვალისწინებს.
გაზიარება:
BM.GE
წყარო: bm.ge