გადაარჩინე "ბათუმელები" და "ნეტგაზეთი" თვეში 1 ლარიდან – მხარდაჭერის კამპანია

გადაარჩინე "ბათუმელები" და "ნეტგაზეთი" თვეში 1 ლარიდან – ონლაინგამოცემები მხარდაჭერის კამპანიას იწყებენ.

"2026 წლის 26 მაისს, ჩვენი გამოცემა, „ბათუმელები“, რომელიც ორ ონლაინ მედიას, „ბათუმელებსა“ და „ნეტგაზეთს“ აერთიანებს, 25 წლის გახდა.

გაზეთ „ბათუმელების“ პირველი ნომერი 2001 წლის 26 მაისს, საქართველოს დამოუკიდებლობის დღეს გამოვიდა.

დაარსებიდან 25 წლის შემდეგ, ვიწყებთ კამპანიას „ბათუმელებისა“ და „ნეტგაზეთის“ გადასარჩენად. დღეიდან, ჩვენს ვებგვერდებზე ნახავთ მხარდაჭერის ღილაკს, რომლის საშუალებითაც შეგიძლიათ მხარი დაგვიჭიროთ თვეში 1, 5 ან 10 ლარით, ერთი წლის განმავლობაში.

მკითხველის მხარდაჭერა მოგვცემს მუშაობის გაგრძელების საშუალებას.

დაარსებიდან დღემდე „ბათუმელები“ და „ნეტგაზეთი“ არ ყოფილა არცერთი პოლიტიკური ან ბიზნეს ჯგუფის საკუთრება, ჩვენ ყოველთვის ვეკუთვნოდით საზოგადოებას და რეპრესიული კანონმდებლობის პირობებში, ჩვენი გადარჩენის ერთადერთი გზა სწორედ საზოგადოების მხარდაჭერაა.

უფრო მეტ ინფორმაციას შეგიძლიათ გაეცნოთ ჩვენი მხარდაჭერის პლატფორმაზე", - აცხადებენ ონლაინგამოცემებში.