გაეროს ტურიზმის ორგანიზაციის გენერალური მდივანი საქართველოს ტურიზმის კერძო სექტორს შეხვდა
საქართველოში ოფიციალური ვიზიტით მყოფმა გაეროს ტურიზმის ორგანიზაციის გენერალურმა მდივანმა, შაიხა ალ ნუვაისმა ტურიზმის კერძო სექტორის წარმომადგენლებთან სამუშაო შეხვედრა გამართა.
შეხვედრაზე მხარეებმა საქართველოს ტურისტული შესაძლებლობები, სექტორის განვითარების პერსპექტივები და საერთაშორისო ბაზრებზე ქართული ტურისტული პროდუქტების პოზიციონირების საკითხები განიხილეს.
შეხვედრის ფარგლებში: საქართველოს ბიზნეს ასოციაციის პრეზიდენტმა სოსო ფხაკაძემ მონაწილეებს ქვეყანაში არსებული ბიზნესგარემო გააცნო.
მსოფლიო ტურიზმის ორგანიზაციის ევროპის რეგიონული დეპარტამენტის დირექტორმა კორდულო ვოლმუთერმა გლობალურ დონეზე ტურიზმის სფეროში არსებულ გამოწვევებზე ისაუბრა.
კერძო სექტორის წარმომადგენელთა შეფასებით, მსგავსი მაღალი დონის ვიზიტები და საერთაშორისო ორგანიზაციებთან მჭიდრო თანამშრომლობა განსაკუთრებით მნიშვნელოვანია საქართველოს ტურისტული პოტენციალის უკეთ წარმოსაჩენად.
შეხვედრას საქართველოს ეკონომიკისა და მდგრადი განვითარების მინისტრის მოადგილე ირაკლი ნადარეიშვილი უძღვებოდა. ღონისძიებას ასევე ესწრებოდნენ ტურიზმის ეროვნული ადმინისტრაციის ხელმძღვანელი მაია ომიაძე, ესპანეთში საქართველოს ელჩი ალექსანდრე ჭკუასელი, საქართველოს ბიზნეს ასოციაციის, საქართველოს ტურიზმის ასოციაციისა და სხვადასხვა სასტუმროს წარმომადგენლები.
BM.GE
წყარო: bm.ge