მთავარი
BM.GEწყარო
  1. მთავარი
  2. BM.GE
  3. GTA 6-მა გაყიდვების რეკორდი მოხსნა - პირველი დღის შემოსავალი $3.8 მილიარდია
GTA 6-მა გაყიდვების რეკორდი მოხსნა - პირველი დღის შემოსავალი $3.8 მილიარდია

GTA 6-მა გაყიდვების რეკორდი მოხსნა - პირველი დღის შემოსავალი $3.8 მილიარდია

BM.GE21 ნოემბერი, 2026, 18:14|bm.ge

ვიდეოთამაშ Grand Theft Auto 6-ის (GTA 6) გაყიდვებმა გამოსვლის პირველივე დღეს რეკორდი მოხსნა და 3.8 მილიარდი აშშ დოლარი დააგენერირა. ამ მაჩვენებლით ის მთელ გასართობ ინდუსტრიაში ყველა დროის ყველაზე შემოსავლიანი სტარტის მქონე პროდუქტი გახდა.

Rockstar Games-ის მშობელმა კომპანია Take-Two-მ განაცხადა, რომ ეს მონაცემები 19 ნოემბრის ბოლოს არსებულ შეფასებებს ეფუძნება და აბსოლუტურ რეკორდს წარმოადგენს "ნებისმიერი მედიუმის გასართობ პროდუქტებს შორის". ოფიციალურ გამოშვებამდე თამაშის 32.5 მილიონი ეგზემპლარი წინასწარ იყო გაყიდული.

შედარებისთვის: მიმდინარე წლის ყველაზე შემოსავლიანმა ფილმმა "Spider-Man: Brand New Day"-მ კინოთეატრებში ჩვენების მთელი პერიოდის განმავლობაში ჯამში 2.5 მილიარდი დოლარი გამოიმუშავა.

ინტერნეტინფრასტრუქტურის კომპანია Cloudflare-ის ინფორმაციით, თამაშის გამოსვლის მომენტში დიდ ბრიტანეთში PlayStation 5-ის ჩამოტვირთვების მაჩვენებელმა ჩვეულებრივ დონეს 8.6-ჯერ გადააჭარბა. ახალ ზელანდიაში კი, სადაც GTA 6 პირველად გახდა ხელმისაწვდომი, ოთხი საათით ადრე ჩამოტვირთვების 14.8-მაგი ზრდა დაფიქსირდა, რაც იმაზე მიუთითებს, რომ მოთამაშეებმა დროზე ადრე წვდომის მისაღებად რეგიონის პარამეტრები შეცვალეს.

Cloudflare-მა ასევე დააფიქსირა ტრაფიკის მასშტაბური მატება Rockstar-ის ონლაინ-სერვისებზე: ავსტრალიაში აქტივობამ ჩვეულებრივ ნორმას 11.2-ჯერ, ხოლო აშშ-ის აღმოსავლეთ სანაპიროზე 9.3-ჯერ გადააჭარბა. ევროპაში განსაკუთრებით მაღალი ინტერესი დიდ ბრიტანეთში გამოიკვეთა, სადაც აქტივობა ნორმას შვიდჯერ აღემატებოდა, საფრანგეთსა და გერმანიაში კი - 5.3-ჯერ.

ახალმა გამოშვებამ საკუთარი წინამორბედის, 13 წლის წინ გამოსული Grand Theft Auto V-ის რეკორდი მკვეთრად გააუმჯობესა. GTA V-ს აქამდე ვიდეოთამაშების ისტორიაში გამოსვლის პირველ კვირაში საუკეთესო გაყიდვების რეკორდი ეკუთვნოდა, როდესაც მან მხოლოდ ხუთ დღეში 1.15 მილიარდი დოლარი მოაგროვა.

GTA 6 Rockstar-ის თითქმის სამი ათწლეულის ისტორიის მქონე კრიმინალური სიმულატორის ფრენჩაიზის უახლეს ნაწილს წარმოადგენს, რომელიც ისტორიაში ერთ-ერთ ყველაზე პოპულარულ თამაშად იქცა. სერიის მთავარი არსი "ამერიკული ოცნების" სატირული ასახვაა, სადაც მოთამაშეები ფლორიდის პროტოტიპად შექმნილ შტატ ლეონიდაში გამოცდილი კრიმინალების როლს ირგებენ.

ახალი თამაშის სიუჟეტი ორ წვრილმან დამნაშავეს - ლუსიასა და მის პარტნიორ ჯეისონს მიჰყვება.

შეფასებების თანახმად, GTA 6-ის შექმნა 1 მილიარდ დოლარზე მეტი დაჯდა, რაც მას ისტორიაში ყველაზე ძვირად ღირებულ ვიდეოთამაშად აქცევს.

გაზიარება:

BM.GE

წყარო: bm.ge

ორიგინალი სტატია

მსგავსი სტატიები

"სოკარ ჯორჯია გაზი" ქუთაისში მომხდარ აფეთქებაზე განცხადებას ავრცელებს

"სოკარ ჯორჯია გაზი" ქუთაისში მომხდარ აფეთქებაზე განცხადებას ავრცელებს

BM.GE

გიორგი გელაშვილი ფინანსთა სამინისტროს საგამოძიებო სამსახურის უფროსის პირველი მოადგილის პოსტიდან გათავისუფლდა

გიორგი გელაშვილი ფინანსთა სამინისტროს საგამოძიებო სამსახურის უფროსის პირველი მოადგილის პოსტიდან გათავისუფლდა

BM.GE

ბიტკოინის ფასი ბოლო ორი წლის მინიმუმამდე დაეცა

ბიტკოინის ფასი ბოლო ორი წლის მინიმუმამდე დაეცა

BM.GE

ჰაკერებმა FBI-ის კრიმინალური ინფორმაციის ბაზა გატეხეს - CNN

ჰაკერებმა FBI-ის კრიმინალური ინფორმაციის ბაზა გატეხეს - CNN

BM.GE