"ჰორმუზის სრუტე დაუყოვნებლივ გაიხსნება" - ტრამპის თქმით, ირანთან შეთანხმება შესაძლოა 2-3 დღეში გაფორმდეს
„ირანთან კონფლიქტის დასრულებისკენ მიმართული შეთანხმება შესაძლოა ორ ან სამ დღეში იქნეს მიღწეული,“ - განუცხადა აშშ-ის პრეზიდენტმა დონალდ ტრამპმა ჟურნალისტებს სამშაბათს დილით.
თებერვალში დაწყებული ომის დასრულების შესახებ გაკეთებული ათეულობით განცხადებიდან უახლესში, მან ასევე დაამატა, რომ ასეთი შედეგი ირანს ბირთვული იარაღის ფლობის შესაძლებლობას შეუზღუდავს და ჰორმუზის სრუტის დაუყოვნებლივ გახსნას გამოიწვევს.
„ჩვენ უკვე საბოლოო ეტაპზე ვართ იმ შეთანხმების მიღწევის გზაზე, რომელიც ძალიან, ძალიან კარგი იქნება და რომელიც ირანს არავითარი ფორმითა და საშუალებით არ მისცემს ბირთვული იარაღის ფლობის შესაძლებლობას.
სრუტე დაუყოვნებლივ გაიხსნება. ის ხელმოწერისთანავე ამოქმედდება, ხოლო ხელმოწერა შესაძლოა ორ ან სამ დღეში შედგეს,“ - თქვა ტრამპმა და დასძინა, რომ მიუხედავად მიმდინარე მოლაპარაკებებისა, აშშ ირანის პორტების ბლოკადას კვლავ აგრძელებს.
ტრამპმა განაცხადა, რომ ირანი და ისრაელი შეთანხმდნენ, ერთმანეთისთვის ცეცხლი შეეწყვიტათ.
„ისინი ერთმანეთზე დარტყმებს ახორციელებდნენ, ახლა კი ორივე მხარე, ჩემი შუამავლობით, შეჩერებაზე დათანხმდა,“ - განუცხადა მან ჟურნალისტებს Air Force One-ში ასვლამდე.
BM.GE
წყარო: bm.ge