ჰორმუზის სრუტეში ნავთობის დღიურმა გადაზიდვებმა 11 მილიონ ბარელს მიაღწია
ჰორმუზის სრუტის გავლით ნავთობისა და ნავთობპროდუქტების დღიურმა ექსპორტმა ბოლო ერთი კვირის განმავლობაში თითქმის 11 მილიონი ბარელი შეადგინა. ეს მონაცემები აშშ-ის ენერგეტიკის მინისტრმა, კრის რაიტმა Bloomberg TV-სთან ინტერვიუში გააჟღერა. რაიტის განმარტებით, ყოველდღიურად დამატებით 3-5 მილიონი ბარელი ნედლეული იმ ალტერნატიული მილსადენებით გადის ექსპორტზე, რომლებიც სრუტეს გვერდს უვლის.
კრის რაიტის განცხადებით, ჰორმუზის სრუტეში სავაჭრო გემების უსაფრთხო გადაადგილებას ამჟამად აშშ-ის სამხედრო ხომალდები უზრუნველყოფს.
ცნობისთვის, ჰორმუზის სრუტეზე ნავთობის გლობალური გაყიდვების დაახლოებით 25%, ხოლო თხევადი ბუნებრივი აირის 20% მოდის. ეს ზონა კი განსაკუთრებულ კრიზისში მას შემდეგ მოექცა, რაც აშშ-მა და ისრაელმა ირანის წინააღმდეგ სამხედრო ოპერაცია 28 თებერვალს ოფიციალურად დაიწყეს.
BM.GE
წყარო: bm.ge