ჰუსიტების თავდასხმების ფონზე, ბირჟაზე ნავთობის ფასი გაიზარდა

გლობალურ ენერგეტიკულ ბირჟაზე ნავთობის ფასი ისევ გაიზარდა, რაც იემენელი ჰუსიტების მიერ საუდის არაბეთზე თავდასხმებმა და ჰორმუზის სრუტეში ირანის მხრიდან ტანკერებზე იერიშების განხორციელებამ განაპირობა.

Brent-ის მარკის ნავთობის ფიუჩერსები 1.5%-ით გაიზარდა და ბარელზე $102 შეადგინა. პარალელურად, WTI-ის ტიპის ნავთობის ფასი 90 დოლარამდე გაძვირდა; ხოლო რუსული Urals-ის ფასი დაახლოებით $121-ის ფარგლებშია.

ანალიტიკოსების შეფასებით, ნავთობის ბაზარი ამჟამად მიწოდების გაუმჯობესებულ დინამიკასა და მუდმივ გეოპოლიტიკურ რისკებს შორის არის მოქცეული. მართალია, რეგიონიდან ნავთობის მიწოდება იზრდება და მან უკვე ომამდელ 81%-იან ნიშნულს მიაღწია, თუმცა ეს ნავთობის გაიაფებას ვერ იწვევს, რადგან ფიუჩერსების ღირებულებას ამჟამად სრულად აკონტროლებენ ჰეჯ-ფონდები და ტრეიდერები, რომლებიც ნებისმიერ ნეგატიურ სიახლეს ფასის გასაზრდელად იყენებენ.

ექსპერტების შეფასებით, სანამ აშშ და ირანი სამშვიდობო შეთანხმებას არ გააფორმებენ, იქამდე ნავთობი ისევ მაღალ ნიშნულზე შენარჩუნდება.