I კვარტალში ტელევიზიებმა რეკლამიდან 25.6 მლნ-ის შემოსავალი მიიღეს - ზრდა 73%-ია | Comcom

2026 წლის I კვარტალში ტელე და რადიო მაუწყებლების ჯამური კომერციული სარეკლამო შემოსავალი, წინა წლის იმავე პერიოდთან შედარებით, 64%-ით გაიზარდა და 27 მილიონი ლარი შეადგინა. კომუნიკაციების კომისიის ინფორმაციითვე, მხოლოდ ტელევიზიების შემთხვევაში, კომერციული სარეკლამო შემოსავლებიდან მიღებული თანხა 73%-ით გაიზარდა და 25.6 მილიონ ლარს გაუტოლდა.

ტელემაუწყებლებისთვის 2026 წლის I კვარტალში მიღებული სარეკლამო შემოსავლების ძირითადი, 87%-იანი წილი პირდაპირმა რეკლამამ, 7.6% - პროდუქტის განთავსებამ, ხოლო 5% - სპონსორობამ დააგენერირა.

მხოლოდ რადიომაუწყებლების შემთხვევაში, 2026 წლის I კვარტალში მიღებული სარეკლამო შემოსავალი, 2025 წლის იმავე პერიოდთან შედარებით, 15%-ით შემცირდა და 1.4 მილიონი ლარი შეადგინა, საიდანაც 90%-იანი წილი პირდაპირმა რეკლამამ დააგენერირა, 9.1% - სპონსორობამ, 0.6% კი - განცხადებებმა.

აღსანიშნავია, რომ კომერციული სარეკლამო შემოსავალი კომერციულ რეკლამას, სპონსორობას, პროდუქტის განთავსებას, ტელეშოპინგსა და კომერციულ განცხადებებს მოიცავს.