II კვარტალში შემცირდა როგორც ფრინველების, ისე მსხვილფეხა პირუტყვის რაოდენობა - საქსტატი

წინასწარი მონაცემებით, 2026 წლის II კვარტალის ბოლოსათვის მსხვილფეხა რქოსანი პირუტყვის სულადობა წინა წლის შესაბამის მაჩვენებელთან შედარებით 5.4%-ით შემცირდა და 821 ათასი სული შეადგინა. აქედან, ფურისა და ფურკამეჩის ჯამური რაოდენობა 380.4 ათასით განისაზღვრა, რაც წინა წლის შესაბამისი მაჩვენებელზე 6%-ით ნაკლებია.

ღორის რაოდენობა 172 ათასი შეადგინა 5.5%-ით ნაკლები წინა წლის შესაბამის პერიოდზე. ასევე შემცირდა ფრინველის რაოდენობა წინა წლის ანალოგიურ მაჩვენებელთან შედარებით 10.6 მილიონი ფრთა შეადგინა (კლება 5%-ია).

2026 წლის II კვარტალში რძის წარმოებამ 168.8 მილიონი ლიტრი შეადგინა, რაც წინა წლის ანალოგიურ მაჩვენებელზე 9%-ით ნაკლებია. ხორცის წარმოებამ 18.2 ათასი ტონა შეადგინა, რაც 2025 წლის შესაბამის პერიოდზე 12-ით შემცირებული მაჩვენებელია. საანგარიშო პერიოდის განმავლობაში წარმოებულია 178 მილიონი კვერცხი, რაც წინა წლის ანალოგიურ მაჩვენებელზე 2%-ით ნაკლებია.