სამაცივრეებში შენახული პროდუქცია 31.6%-ით, გაყიდვების ღირებულება კი 59.4%-ით გაიზარდა

2026 წლის II კვარტალში საქართველოში 302 სამაცივრე მეურნეობა ფუნქციონირებდა, რაც გასული წლის ანალოგიურ პერიოდთან შედარებით 68 ერთეულით, ანუ 29.1%-ით მეტია. 2025 წლის II კვარტალში საქართველოში 234 სამაცივრე მეურნეობა იყო.

სამაცივრე მეურნეობების რაოდენობის ზრდასთან ერთად გაიზარდა მათში შენახული პროდუქციის მოცულობაც. საქსტატის მონაცემებით, 2026 წლის II კვარტალში სამაცივრე მეურნეობებში სულ 119.4 ათასი ტონა პროდუქცია იყო შენახული, 2025 წლის II კვარტალში კი - 90.7 ათასი ტონა. შესაბამისად, ზრდამ 28.7 ათასი ტონა, ანუ 31.6% შეადგინა.

შენახული პროდუქციის სტრუქტურაში ყველაზე დიდი წილი ქათმის ხორცს, მათ შორის გაყინულს, ჰქონდა 29.3%. ხორცსა და ხორცპროდუქტებზე, მათ შორის ნახევარფაბრიკატებზე, 25.4%, თევზეულზე 20.2%, რძის პროდუქტებზე 12.2%, ხილსა და ბოსტნეულზე 9.6%, ხოლო სხვა პროდუქტებზე 3.3% მოდიოდა.

სამაცივრე მეურნეობების გაყიდვების ღირებულება მნიშვნელოვნად გაიზარდა.

2026 წლის II კვარტალში სამაცივრე მეურნეობებმა 302.0 მილიონი ლარის ღირებულების პროდუქცია გაყიდეს, მაშინ როდესაც 2025 წლის შესაბამის პერიოდში გაყიდვების ღირებულება 189.5 მილიონი ლარი იყო.

შესაბამისად, გაყიდვების ღირებულება წლიურად 112.5 მილიონი ლარით, ანუ 59.4%-ით გაიზარდა.

ამასთან, გაყიდული პროდუქციის ფიზიკური მოცულობაც გაიზარდა. 2026 წლის II კვარტალში სამაცივრე მეურნეობებმა 32.1 ათასი ტონა პროდუქცია გაყიდეს, 2025 წლის II კვარტალში კი 24.7 ათასი ტონა. ზრდა 7.4 ათასი ტონა, ანუ დაახლოებით 30.0% იყო.

2026 წლის II კვარტალში გაყიდული პროდუქციის ღირებულების 35.3% იმპორტირებულ პროდუქციაზე, 19.1% საკუთარი წარმოების პროდუქციაზე, ხოლო 45.7% გაყიდვის მიზნით შესყიდულ ადგილობრივ პროდუქციაზე მოდიოდა.

2026 წლის II კვარტალში სამაცივრე მეურნეობებში შენახული პროდუქციის მთლიანი მოცულობის 56.1% მომსახურების სახით შენახული პროდუქცია იყო. საკუთარი წარმოების პროდუქციაზე 22.1%, ხოლო შემდგომი რეალიზაციის მიზნით შესყიდულ პროდუქციაზე 21.7% მოდიოდა.

სამაცივრე მეურნეობების მიერ მომსახურების სახით მიღებულმა შემოსავალმა 7.8 მილიონი ლარი შეადგინა.

მომსახურების მომხმარებელთა რაოდენობა კი წლიურად შემცირდა: 2026 წლის II კვარტალში მომსახურება 361 მომხმარებელს გაეწია, 2025 წლის II კვარტალში კი - 399-ს, რაც დაახლოებით 9.5%-იანი კლებაა.

ამავე დროს, სამაცივრე მეურნეობებში დასაქმებულთა საშუალო თვიური რაოდენობა 1 508-დან 1 698 ადამიანამდე გაიზარდა. ზრდა დაახლოებით 12.6%-ია. 2026 წლის II კვარტალში დასაქმებულთა რაოდენობა 1 698 კაცს შეადგენდა.

სამაცივრე მეურნეობების მიერ უცხო ქვეყნებში გაყიდული პროდუქციის ღირებულებამ 2026 წლის II კვარტალში 3.8 მილიონი ლარი შეადგინა.

ეს მაჩვენებელი 2025 წლის II კვარტალში 7.4 მილიონი ლარი იყო, შესაბამისად, ექსპორტის ღირებულება წლიურად დაახლოებით 3.6 მილიონი ლარით, ანუ 48.6%-ით შემცირდა.

უცხოეთში ძირითადად ხილი და ბოსტნეული რეალიზდებოდა. 2026 წლის II კვარტალში საზღვარგარეთ გაყიდული პროდუქცია სამაცივრე მეურნეობების მიერ გაყიდული პროდუქციის მთლიანი ღირებულების 1.2%-ს შეადგენდა.

2026 წლის II კვარტალში მოქმედი 302 სამაცივრე მეურნეობიდან 156, ანუ 51.7%, შიდა ქართლში იყო განთავსებული.

თბილისში 42 სამაცივრე მეურნეობა ფუნქციონირებდა - 13.9%, აჭარაში - 25, ანუ 8.3%, სამეგრელო-ზემო სვანეთში - 21, ანუ 7.0%, იმერეთში - 18, ანუ 6.0%, ქვემო ქართლში - 13, ანუ 4.3%.

კახეთში 10 სამაცივრე მეურნეობა იყო, სამცხე-ჯავახეთში - 8, მცხეთა-მთიანეთში - 5, გურიაში - 3, ხოლო რაჭა-ლეჩხუმსა და ქვემო სვანეთში - 1.

სამაცივრე კამერების საშუალო დღიური დატვირთვა 2026 წლის II კვარტალში აპრილში 48.6%, მაისში 45.7%, ხოლო ივნისში 52.3% იყო.