ინვესტორების ნაწილს საქართველოს საზღვრიდან უკან აბრუნებენ - რა პრობლემები ექმნებათ უცხოელ ბიზნესმენებს?
საქართველოში მოქმედი ბიზნესგაერთიანებები, რომელთა წევრები უცხოური კომპანიები არიან, საუბრობენ ფაქტებზე, როდესაც ინვესტორებს და ბიზნესმენებს საქართველოს საზღვრიდან ყოველგვარი არგუმენტების გარეშე უკან აბრუნებენ.
როგორც გავარკვიეთ პრობლემას დიდი მასშტაბი არ აქვს, თუმცა არაერთი შემთხვევა ფიქსირდება, როცა უცხოელმა ბიზნესმენმა, რომლებსაც უკვე აქვთ განხორციელებული ინვესტიციები საქართველოში, ქვეყნის ტერიტორიაზე შემოსვლა ვერ შეძლეს.
ICC GEORGIA-ს თავმჯდომარე კომპანიებისა და ძირითადად არაბული ქვეყნების საელჩოებზე დაყრდნობით BMG-სთან ინტერვიუში ამბობს, რომ უცხოელებს საქართველოს საზღვრიდან ყოველგვარი დასაბუთების გარეშე აბრუნებენ.
საქართველოს საზღვარზე უცხოელი ინვესტორების შემოსვლასთან დაკავშირებით პრობლემებზე საქმის კურსშია აზიისა და სპარსეთის ყურის ქვეყნების ბიზნესპალატაც, თუმცა როგორც ბიზნესგაერთიანების პირველი ვიცე-პრეზიდენტი
ჩვენთან ინტერვიუში ამბობს, შეფერხებები არ არის მასიური, თუმცა ყაზახეთიდან, პაკისტანიდან, ინდონეზიიდან და სხვა ქვეყნებიდან ასეთი ცალკეული შემთხვევები ფიქსირდება. დავით ცირდავა ამბობს, რომ ხშირ შემთხვევაში, ინვესტორებს, რომლებსაც საქართველოში უკვე აქვთ დაფუძნებული კომპანიები ან შეძენილი აქვთ უძრავი ქონება, სახელმწიფო უწყებები ეროვნული უსაფრთხოების მოტივით ქვეყანაში შემოსვლაზე ან ბინადრობის უფლებაზე უარს ეუბნებიან.
“გეოპოლიტიკური ცვლილებების ფონზე, თუნდაც რაც ახლო აღმოსავლეთში და სპარსეთის ყურის ქვეყნებში მოვლენები ვითარდება, ბუნებრივია, სახელმწიფოს შესაბამისი სამსახურები უფრო მეტ სიფრთხილეს იჩენენ. პირდაპირ შემიძლია ვთქვა, რომ ამას არ აქვს მასიური ხასიათი, არც რაიმე სახის შერჩევითი ხასიათი, თუმცა შესაბამისი სამსახურების მხრიდან პერიოდულად არის შეფერხებები. ეს არ არის მხოლოდ არაბულ სახელმწიფოებთან მიმართებით. გასული კვირის ინფორმაციას გეტყვით, სადაც ყაზახეთიდან კომპანია, როდესაც ფრენჩაიზი აქვს ყაზახეთში და რომელსაც სურდა საქართველოში შემოსვლა, შეესწავლა საქართველო ოფისის განთავსებისთვის და ა.შ აიყვანეს ერთ-ერთი ჩვენი წევრიდან საკონსულტაციო კომპანია, მათთან კომუნიკაცია დაამყარეს და ვიზიტის დროს საქართველოს საზღვარი ვერ გადმოკვეთა.