ირანი აშშ-ის მხრიდან ახალი შეტევისთვის ემზადება
ირანის სამხედრო ხელმძღვანელობა აცხადებს, რომ ქვეყნის შეიარაღებული ძალები აშშ-ის ნებისმიერი ახალი თავდასხმის მოსაგერიებლად სრულ მზადყოფნაშია და ქვეყანა კონფლიქტის განახლებისთვის აქტიურად ემზადება.
ისლამურ რესპუბლიკაში გამართული მასშტაბური წვრთნების შემდეგ, ირანელმა სარდლებმა აღნიშნეს, რომ მათ "ნებისმიერ დროსა და ადგილას" შეუძლიათ აგრესიას დაუპირისპირდნენ. განცხადება პეკინში დონალდ ტრამპისა და სი ძინპინის შეხვედრის პარალელურად გაჟღერდა, სადაც მხარეები, სხვა საკითხებთან ერთად, ირანთან მიმდინარე სამხედრო კონფლიქტის მოგვარების გზებს განიხილავენ.
სიცხადისთვის, ჩინეთი ირანული ნავთობის უმსხვილესი მყიდველია, რაც მას კონფლიქტში მნიშვნელოვან მოთამაშედ აქცევს. აშშ-ის სახელმწიფო მდივანმა, მარკო რუბიომ აღნიშნა, რომ ჩინეთის მხრიდან ირანის ნებისმიერი მხარდაჭერა ვაშინგტონთან ურთიერთობაზე უარყოფითად აისახება. ამერიკული მხარე იმედოვნებს, რომ პეკინი ენერგოუსაფრთხოების ინტერესებიდან გამომდინარე, კონფლიქტის დეესკალაციაში უფრო აქტიურ როლს ითამაშებს.
შეგახსენებთ, რომ ირანსა და აშშ-ს შორის საომარი მოქმედებები თებერვლის ბოლოს დაიწყო. მიუხედავად 8 აპრილს გამოცხადებული მყიფე ცეცხლის შეწყვეტის რეჟიმისა, რეგიონში შეიარაღებული შეტაკებები და სატრანსპორტო დერეფნების ბლოკირება კვლავ გრძელდება.
BM.GE
წყარო: bm.ge