ირანის პრეზიდენტმა გადადგომის შესახებ ოფიციალური განცხადება წარადგინა - მედია

ირანის პრეზიდენტმამ მასუდ ფეზეშქიანმა უზენაესი ლიდერის ოფისს გადადგომის შესახებ ოფიციალური წერილი წარუდგინა. როგორც გამოცემა Iran International მოპოვებულ დოკუმენტზე დაყრდნობით წერს, ქვეყნის ლიდერი მთავრობას სასიცოცხლოდ მნიშვნელოვანი გადაწყვეტილებების მიღების პროცესებიდან ეფექტურად ჩამოშორებაში ადანაშაულებს და აცხადებს, რომ ამ ფორმით ის დაკისრებულს მოვალეობას ვერ შეასრულებს.

პეზეშქიანი წერს, რომ შექმნილი ძალაუფლების ვაკუუმით ირანის რევოლუციის გუშაგთა კორპუსის რადიკალურმა ფრაქციებმა ისარგებლეს და სამხედრო მაღალჩინოსნებმა სახელმწიფო საქმეებზე სრული კონტროლი დაამყარეს. წერილიდან ირკვევა, რომ არსებული ვითარების ფონზე პრეზიდენტი აღმასრულებელი ხელისუფლების მართვას ვეღარ ახერხებს. ამასთან, ის საკუთარ სამართლებრივ მოვალეობებსაც ვეღარ ასრულებს. სწორედ ამ მიზეზით ფეზეშქიანმა უფლებამოსილების დაუყოვნებლივ შეწყვეტა მოითხოვა.

აღსანიშნავია, რომ უზენაესი ლიდერის, მოჯთაბა ხამენეის წარმომადგენელი ამ განცხადებას ჯერჯერობით არ გამოხმაურებია.

როგორც დამოუკიდებელი ირანული მედია წერს, აღნიშნული წერილის შინაარსი მმართველი ელიტის უმაღლეს დონეზე არსებულ უპრეცედენტო განხეთქილებაზე მიუთითებს. ტელეკომპანია Iran International-ის ინფორმაციით, შექმნილმა ვითარებამ ფეზეშკიანის ადმინისტრაცია პოლიტიკურ და მმართველობრივ ჩიხში მოაქცია. ეს კრიზისი კი ქვეყანას დიპლომატიური მოლაპარაკებების წარმოებაში ხელს უშლის.

ცნობისთვის, ოფიციალურ მთავრობასა და სამხედრო-უსაფრთხოების უწყებებს შორის უთანხმოება რამდენიმე თვეა გრძელდება და ის ომის დაწყების შემდგომ შექმნილ ძალაუფლების ვაკუუმს უკავშირდება.