ირანის რევოლუციურმა გვარდიამ ბაჰრეინში აშშ-ის რადარზე იერიში მიიტანა
ირანის რევოლუციურმა გვარდიამ პარასკევს განაცხადა, რომ ბაჰრეინში განთავსებული აშშ-ის ადრეული შეტყობინების რადარი მიზანში ამოიღო.
სექტემბრის დასაწყისის შემდეგ, ეს სპარსეთის ყურის ქვეყანაში ამერიკულ სამხედრო ობიექტებზე თავდასხმის შესახებ გავრცელებული პირველი მსგავსი ინფორმაცია გახდა.
ირანული სახელმწიფო მედიის ცნობით, სამხედრო კორპუსმა ეს ნაბიჯი ირანის სამხრეთით მდებარე ჰორმოზგანის პროვინციაში, კერძოდ კი სირიკის ოლქში განთავსებულ სატელეკომუნიკაციო ანძაზე განხორციელებული საჰაერო იერიშის საპასუხოდ გადადგა.
შეგახსენებთ, აშშ-ს, ირანსა და ისრაელს შორის დაპირისპირება 28 თებერვალს თეირანზე ერთობლივი იერიშებით დაიწყო და მას შემდეგ მთელ რეგიონზე გავრცელდა. საპასუხოდ, ირანმა სპარსეთის ყურის ქვეყნებში განთავსებულ ამერიკულ ბაზებზე სარაკეტო და დრონებით იერიშები მიიტანა, ასევე ნავთობისა და ბუნებრივი აირის გლობალური მიწოდებისთვის სასიცოცხლოდ მნიშვნელოვან ჰორმუზის სრუტეში ჩაკეტვა სცადა. ვაშინგტონმა კი, თავის მხრივ, ირანულ პორტებს საზღვაო ბლოკადა დაუწესა.
BM.GE
წყარო: bm.ge